Thursday, January 27, 2022

രാജുവെന്ന സംവിധായകൻ.., മോഹൻലാലിലെ നടനെന്ന താരം.., അതിലുപരി എന്താണ് ലൂസിഫെർ..?! മുരളി ഗോപി സംസാരിക്കുന്നു….!

പ്രതീക്ഷകൾ വാനോളം ഉയർത്തിക്കൊണ്ട് നടൻ പൃഥ്വിരാജ് തന്റെ ആദ്യ സംവിധാന സംരംഭം മുരളി ഗോപിയുടെ രചനയിൽ മോഹൻലാലിനെ നായകനാക്കി ഒരുക്കുകയാണ്. പുറത്തു വരുന്ന ലൊക്കേഷൻ കാഴ്ചകളും വാർത്തകളും ചിത്രത്തിനായുള്ള കാത്തിരിപ്പിന്റെ വേഗതയും കൂട്ടുന്നു. വണ്ടിപ്പെരിയാറിൽ പുരോഗമിക്കുകയാണ് ലൂസിഫറിന്റെ ഒന്നാംഘട്ട ചിത്രീകരണം. ഇനി തിരുവനന്തപുരം, മുംബൈ, ദുബായ് എന്നിവിടങ്ങളിലായിരിക്കും വരും ദിവസങ്ങളിൽ ചിത്രീകരണം .

ലൂസിഫർ മനസ്സിൽ കണ്ട മുരളി ഗോപിയാണ് ഇപ്പോൾ മനസ്സ് തുറക്കുന്നത്. ലൂസിഫറിൽ എന്തു കാണാം എന്നതിന് പുറമേ എന്തിന് കാണണം എന്ന ഉത്തരങ്ങളുമായാണ് മുരളി ഗോപി ചേരുന്നത്. എഴുത്തുകാരൻ, നടൻ, ഗായകൻ തുടങ്ങി വിവിധ നിലകളിൽ പ്രശസ്തനായ മുരളി ഗോപിയുടെ സിനിമ കരിയറിലെ മറ്റൊരു നാഴികക്കല്ലായിരിക്കും ലൂസിഫർ എന്ന കാര്യത്തിൽ സംശയമില്ല. ഷൂട്ടിങ് സമയത്തെ വലിയ തിരക്കുകൾ മാറ്റി വച്ചു കൊണ്ട് 10G Media യ്ക്ക് നൽകിയ അഭിമുഖത്തിൽ

മനസ്സ് കൊണ്ട് താൻ ലൂസിഫറിന് എത്രമാത്രം അടുത്താണെന്ന് തെളിയിക്കുന്ന രീതിയിൽ ആയിരുന്നു മുരളി ഗോപിയുടെ മറുപടികൾ.

ഇന്റർവ്യൂവിലെ പ്രസക്ത ഭാഗങ്ങളിലേക്ക്….

Q1: ഒരു വലിയ സംരംഭം. ഒരു വലിയ ഉത്തരവാദിത്വം. ഒരു വലിയ വിഭാഗം പ്രേക്ഷകരുടെ പ്രതീക്ഷ..

ഇതിൽ ഏതായിരുന്നു ലൂസിഫർ കമ്മിറ്റ് ചെയ്യുമ്പോൾ ഏറ്റവും വെല്ലുവിളി ആയി തോന്നിയത് ?

A1 : എല്ലാം… മനസിൽ പൊങ്ങിയ ആശയം മുതൽ ഇപ്പോ ചിത്രീകരണം തുടരുന്ന സാഹചര്യത്തിലും പാലിക്കപ്പെടേണ്ട ഉത്തരവാദിത്വങ്ങൾ മനസ്സിലുണ്ട്..

Q2: ലൂസിഫർ ഷൂട്ടിംഗ് പുരോഗമിക്കുന്ന വേളയിൽ ഇത് വരെ ഷൂട്ട് ചെയ്തതിനെ എങ്ങനെ വിലയിരുത്തുന്നു? മുരളി ഗോപി എ ന്ന തിരക്കഥാകൃത്ത് പൃഥ്വിരാജ് എന്ന നവ സംവിധായകനെ എങ്ങനെ വിലയിരുത്തുന്നു?

A2 : വളരെയധികം അർപ്പണബോധമുള്ള ഒരു സംവിധായകനാണ് രാജു. ഇതുപോലെ മേക്കിങ്ങിലെ കൃത്യതയും ക്രാഫ്റ്റിന് മേലുള്ള കമാന്റും വളരെ വിരളമായേ കാണാൻ സാധിക്കൂ. സിനിമയെന്ന കലയെ കുറിച്ചും വ്യവസായത്തെ കുറിച്ചും കാലങ്ങളായി ഉണ്ടാക്കിയെടുത്തിട്ടുള്ള അറിവ് രാജുവിന് (പൃഥ്വിരാജ്) ഒരു മുതൽക്കൂട്ടാണ്.

He is an extremely focussed and supremely confident director.

Q3: ലാലേട്ടൻ എന്ന നടനെ ആണോ അതോ ലാലേട്ടൻ എന്ന താരത്തെ ആണോ ലുസിഫറിൽ കൂടുതൽ ചൂഷണം ചെയുക!?

A3 : ലാലേട്ടൻ എന്ന താരത്തിലെ നടനെയും നടനിലെ താരത്തെയും ഒരുപോലെ സ്നേഹിക്കുന്നവരാണ് ലൂസിഫറിന്റെ എഴുത്തുകാരനായ ഞാനും സംവിധായകനായ രാജുവും. ബാക്കി തീരുമാനിക്കേണ്ടത് പ്രേക്ഷകരാണ്.

Q4: വീണ്ടും ഒരു മുരളി ഗോപി രചന നിർവഹിക്കുന്ന ചിത്രത്തിൽ ഇന്ദ്രജിത് അഭിനയിക്കുന്നു. വ്യത്യസ്തത നിറഞ്ഞ മറ്റൊരു ശക്തമായ കഥാപാത്രത്തെ ഇതിൽ പ്രതീക്ഷിക്കാമോ?

A4: ഇന്ദ്രജിത്ത് എന്റെ ഇഷ്ട നടന്മാരിൽ ഒരാളാണ്. അദ്ദേഹത്തെ ഉൾകൊള്ളിക്കാൻ കഴിയുന്ന ഏതൊരു അവസരവും പാഴാക്കാൻ എനിക്കാഗ്രഹമില്ല.

Q5: സമൂഹ മാധ്യമത്തിൽ ഈയിടെ കുറിച്ചപോലെ ചിത്രത്തിന്റെ യഥാർത്ഥ കഥയ്ക്ക് കോട്ടം തട്ടുന്ന തരത്തിൽ ഫാൻസുകാരുടെ ആകാംഷ കാരണമുണ്ടാകുന്ന fanmade പോസ്റ്ററുകൾ , ലൊക്കേഷൻ വീഡിയോസും മറ്റും ചിത്രത്തിന്റെ സസ്പെൻസിനെ ബാധിക്കുമെന്ന് ആകുലത ഉണ്ടോ?

A5 : ഉണ്ട്. സിനിമ കാണാനുള്ളതാണ്. ഊഹിക്കാനുള്ളതല്ല. അത് ചെയ്തു വിൽക്കാൻ ശ്രമിക്കുന്നവർ സിനിമയുടെ ഇഷ്ടക്കാരും അല്ല.

ഇത്തരം സമ്മർദങ്ങൾ ഉള്ളപ്പോൾ തന്നെ സെറ്റിലെ സഹപ്രവർത്തകരുടെ നല്ലൊരു സൂപ്പർ കൂൾ സുഹൃത്തു കൂടിയാണ് മുരളി ഗോപി. ഇനിയും പുറത്തു വിടാൻ കഴിയാത്ത ഒരുപാട് കാര്യങ്ങൾ ലൂസിഫറിലുണ്ടെന്നും വിലയേറിയ കാത്തിരിപ്പ് തന്നെയായിരിക്കും എന്നാണ് അറിയാൻ കഴിഞ്ഞത്. എന്തായാലും പൃഥ്വിയുടെ ആദ്യ സംവിധാനസംരംഭം അഡാർ ഐറ്റം എന്നു അക്ഷരം തെറ്റാതെ പറയാവുന്നത് തന്നെയാവും.

Source: TV0

0 0 votes
Article Rating
Subscribe
Notify of
guest
0 Comments
Inline Feedbacks
View all comments

Trending Articles

മഞ്ജു വാര്യരുടെ പേരിൽ നടക്കുന്ന പ്രചാരണങ്ങൾക്കെതിരെ ഉണ്ണി മുകുന്ദൻ

കഴിഞ്ഞ ദിവസങ്ങളിലായി മേപ്പടിയാൻ എന്ന സിനിമയുടെ ട്രയ്ലർ ഷെയർ ചെയ്ത് ശേഷം അത് ഡിലീറ്റ് ചെയ്തുവെന്ന പേരിൽ നടി മഞ്ജു വാര്യർക്കെതിരെ ചില പ്രചാരണങ്ങൾ സോഷ്യൽ മീഡിയയിൽ ഉയർന്ന് വന്നിരുന്നു.

മഞ്ജു വാര്യരുടെ പേരിൽ നടക്കുന്ന പ്രചാരണങ്ങൾക്കെതിരെ...

കഴിഞ്ഞ ദിവസങ്ങളിലായി മേപ്പടിയാൻ എന്ന സിനിമയുടെ ട്രയ്ലർ ഷെയർ ചെയ്ത് ശേഷം അത് ഡിലീറ്റ് ചെയ്തുവെന്ന പേരിൽ നടി മഞ്ജു വാര്യർക്കെതിരെ ചില പ്രചാരണങ്ങൾ സോഷ്യൽ മീഡിയയിൽ ഉയർന്ന് വന്നിരുന്നു.

അഭിനയ മികവിന്റെ ട്രാക്ക് മാറ്റത്തിൽ മലയാളികളുടെ...

കഴിഞ്ഞ കുറച്ചു ദിവസങ്ങളായി സോഷ്യൽ മീഡിയ അറിയാതെ തന്നെ ചർച്ച ആവപ്പെടുന്നുണ്ട് ഉണ്ണി മുകുന്ദൻ എന്ന താരം.കഴിഞ്ഞ ഏതാനും മാസം മുന്നേ ഇറങ്ങിയ പൃഥ്വിരാജ് ചിത്രം ഭ്രമത്തിലെ ദിനേശൻ എന്ന...

തികഞ്ഞ അഭിനേതാവിലേയ്ക്കുള്ള വേഷപകർച്ചയുമായി ഉണ്ണി; ശരാശരി...

വിഷ്ണു മോഹൻ കഥയെഴുതി സംവിധാനം ചെയ്ത് ഇന്ന് തീയേറ്ററുകളിൽ എത്തിയ പുതുവർഷത്തിലെ ആദ്യ മലയാളം ചലച്ചിത്രങ്ങളിൽ ഒന്നാണ് മേപ്പടിയാൻ.ഉണ്ണി മുകുന്ദൻ പ്രധാന താരമായി എത്തുന്ന സിനിമ നിര്മിച്ചിരിക്കുന്നതും ഉണ്ണി മുകുന്ദൻ...
0
Would love your thoughts, please comment.x
()
x