സർവ ദീപ്ത പ്രൊഡക്ഷൻസിന് വേണ്ടി നടൻ ഗിന്നസ് പക്രു ആദ്യമായി നിർമ്മിച്ച് ഇന്ന് തിയേറ്ററുകളിൽ എത്തിയ ചിത്രമാണ് ഫാൻസി ഡ്രസ്. രഞ്ജിത് സ്കറിയ സംവിധാനം ചെയ്തിരിക്കുന്ന ചിത്രത്തിന്റെ കഥ ഒരുക്കിയിരിക്കുന്നത് ഗിന്നസ് പക്രു തന്നെയാണ്. അജയകുമാർ, രഞ്ജിത് സ്കറിയ എന്നിവരാണ് തിരക്കഥ. ഗിന്നസ് പക്രു, ഹരീഷ് കണാരൻ, കലാഭവൻ ഷാജോൺ, ശ്വേത മേനോൻ എന്നിവർ ചിത്രത്തിലെ പ്രധാന താരങ്ങളെ അവതരിപ്പിക്കുന്നു.
ഗോവയിലെ കേരാളത്തിലുമായി നടക്കുന്ന സിനിമ പറയുന്നത് രണ്ടു ചെറിയ കള്ളന്മാർ വലിയ ദൗത്യവുമായി കേരളത്തിൽ എത്തുന്ന കഥയാണ്. കഥാപാത്രങ്ങൾ എല്ലാം അവരുടെ ജോലി ഭംഗി ആക്കിയപ്പോൾ തീയേറ്ററുകളിൽ ചിരിമേളം തന്നെ ആയിരുന്നു പ്രേക്ഷകന് ലഭിച്ചത്. ബലമേറിയ തിരക്കഥയ്ക്ക് അതിനു യോജിച്ച മേകിങ് നൽകാൻ സംവിധായകന് സാധിച്ചിട്ടുണ്ട്. പ്രദീപ് നായർ ഒരുക്കിയ വിഷ്വൽസും രതീഷ് വേഗയുടെ സംഗീതവും മികവുറ്റതായിരുന്നു.
ഹാസ്യവും സസ്പെന്സും അതിന്റെ രസച്ചരട് മുറിയാതെ നമുക്ക് മുന്നിൽ എത്തിക്കാൻ അണിയറപ്രവർത്തകർക്ക് സാധിച്ചിട്ടുണ്ട്. കൊടുക്കുന്ന പൈസയ്ക്കുള്ള മിനിമം ഗ്യാരണ്ടി ചിത്രം പ്രേക്ഷകർക്ക് നൽകുന്നുമുണ്ട്. നർമ്മം എന്നും ഇഷ്ടപ്പെടുന്ന മലയാളികൾക്ക് കുടുംബസമേതം തിയേറ്ററുകളിൽ പോയി കണ്ടാസ്വദിക്കാവുന്ന ഒരു ചിത്രം തന്നെയാണ് ഫാൻസി ഡ്രസ്സ്.