രതീഷ് രാമകൃഷ്ണൻ പൊതുവാൾ സൗബിൻ, സുരാജ് എന്നിവരെ പ്രധാന താരങ്ങൾ ആക്കി ഒരുക്കി ഇന്ന് തീയേറ്ററുകളിൽ എത്തിയ ചിത്രമാണ് ആൻഡ്രോയിഡ് കുഞ്ഞപ്പൻ 5.25. ഒരു അച്ഛന്റെയും മകന്റെയും വ്യത്യസ്തമായ ജീവിതമാണ് ആൻഡ്രോയിഡ് കുഞ്ഞപ്പൻ പറയുന്നത്. പ്രായമേറെ ആയിട്ടും മകനെ മറ്റൊരിടത്തും ജോലിക്ക് അയക്കാതെ കൂടെ വേണമെന്ന വാശിയിൽ ജീവിക്കുന്ന ഭാസ്കരന് കൂട്ടായി ഒരു റോബോട്ടിനെ മകൻ സുബ്രമണ്യൻ നൽകി റഷ്യയിലേക്ക് യാത്രയാവുന്നത് മുതലാണ് ചിത്രത്തിന്റെ രസച്ചരട് മുറുകുന്നത്.
സുബ്രഹ്മണ്യൻ, ഭാസ്കരൻ എന്നിവരായി യഥാക്രമം സൗബിനും സുരാജും മികച്ച പ്രകടനങ്ങൾ കാഴ്ച വച്ചു. മറുനാടൻ സുന്ദരി സിർദ്ദി കിൻഡോ ആണ് ചിത്രത്തിലെ നായികയായി എത്തുന്നത്‌. സാധാരണ ഒരു കഥതന്തുവിനെ വളരെ ഫ്രഷ് ആയ രീതിയിലൂടെ അവതരിപ്പിച്ചു എന്നത് തന്നെയാണ് സംവിധായകന്റെ വിജയം. രാജേഷ്, സൈജു കുറുപ്പ് തുടങ്ങിയവരും തങ്ങളുടെ ഭാഗം ഭംഗിയാക്കി. ബിജിപാൽ ഒരുക്കിയ മനോഹര സംഗീതവും സനു ജോണ് ഒരുക്കിയ ഛായാഗ്രഹണവും വളരെയേറെ പ്രശംസ അർഹിക്കുന്നുണ്ട്.
ചുരുക്കത്തിൽ കുഞ്ഞപ്പൻ നമ്മളോട് പറയുന്നത് മനുഷ്യനെന്നും പങ്കു വയ്ക്കുന്നത് നമ്മൾക്ക് തന്നെ അറിയാവുന്ന എന്നാൽ ഓര്മിക്കാത്ത ചില ചിന്തകളാണ്. തീർച്ചയായും നമ്മുടെ തിരക്കുകൾ എന്താണെന്ന് നമ്മൾ തന്നെ ആലോചിച്ചു പോവുന്ന കുറച്ചു മണിക്കൂർ.. ചിരിച്ചും ചിന്തിച്ചും കൂടെ കൂട്ടാം കുഞ്ഞപ്പനെ.
