കെ.കെ രാജീവ് സംവിധാനം ചെയ്ത് ഇന്ന് തിയേറ്ററുകളിൽ എത്തിയ ചിത്രമാണ് ‘എവിടെ’. മനോജ് കെ ജയൻ, ആശ ശരത്, സുരാജ് വെഞ്ഞാറമൂട്, അനശ്വര, ഷെബിൻ എന്നിവർ കേന്ദ്ര കഥാപാത്രങ്ങളാകുന്ന ചിത്രം ഒരു ഇൻവെസ്റ്റിഗേഷൻ ത്രില്ലർ ജോണറിലാണ് ഒരുക്കിയിരിക്കുന്നത്.
![](https://i0.wp.com/10gmedia.com/wp-content/uploads/2019/07/IMG_4533.jpg?resize=696%2C387)
മിനിസ്ക്രീനിൽ ഏറെ പ്രശസ്തമായ ഒട്ടനവധി സീരിയൽ ഒരുക്കിയിട്ടുള്ള കെ.കെ രാജീവ് എന്ന സംവിധായകൻ ആദ്യമായി സംവിധാനം ചെയ്യുന്ന സിനിമ, ബോബി – സഞ്ജയ് ടീമിന്റെ കഥ എന്നീ നിലക്ക് തന്നെ ഏറെ പ്രതീക്ഷകളുള്ള ചിത്രമാണ് ‘എവിടെ’. ചിത്രത്തിന്റെതായി പുറത്തുവന്ന ട്രെയ്ലറുകളും പാട്ടുകളും ആ പ്രതീക്ഷ വർദ്ധിപ്പിച്ചു എന്ന് വേണം പറയാൻ. സിംഫണി സക്കറിയ എന്ന മനോജ് കെ ജയൻ അവതരിപ്പിച്ച കഥാപാത്രത്തെ കാണാതാകുന്നതും തുടർന്നുണ്ടാകുന്ന സംഭവ വികാസങ്ങളുമാണ് സിനിമയുടെ ഇതിവൃത്തം.
![](https://i0.wp.com/10gmedia.com/wp-content/uploads/2019/07/a420bc3a-d4c6-4e89-8cfd-6fdcd814d0df-1024x839.jpg?resize=696%2C570)
ഒരേ സമയം പ്രേക്ഷകനെ പിടിച്ചിരുത്തുന്ന ചിത്രം ആനുകാലിക പ്രസക്തിയുള്ള ഒരു സിനിമയാണ്. ബോബി – സഞ്ജയ് ടീമിന്റെ കഥക്ക് തിരക്കഥയും സംഭാഷണവും ഒരുക്കിയത് കൃഷ്ണൻ സി ആണ്. നൗഷാദ് ഷെരീഫ് ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. ഹോളിഡേ മൂവീസിന്റെ ബാനറിൽ ജൂബിലി പ്രൊഡക്ഷൻസ്, പ്രകാശ് മൂവി ടോൺ, മാരുതി പിക്ചേഴ്സ് എന്നിവർ ചേർന്നാണ് ചിത്രം നിർമിച്ചിരിക്കുന്നത്.
![](https://i0.wp.com/10gmedia.com/wp-content/uploads/2019/07/b38fb674-83d8-472e-972d-93465619f05d-1024x576.jpg?resize=696%2C392)
സിനിമയിലെ തന്റെ ആദ്യ സംവിധാന സംരഭം തന്നെ മികച്ച രീതിയിൽ ഒരുക്കാൻ കെ കെ രാജീവിന് സാധിച്ചിട്ടുണ്ട്. ആകാംക്ഷയും സസ്പെൻസും മിസ്റ്ററിയും സമം ചേർത്ത് ഒരുക്കിയിട്ടുള്ള ചിത്രം കുടുംബ പ്രേക്ഷകരെയും യുവാക്കളെയും ഒരുപോലെ തൃപ്തിപ്പെടുത്തുമെന്ന് ഉറപ്പ്.