ദുൽഖർ സൽമാൻ, ഋതു വർമ്മ എന്നിവരെ പ്രധാന താരങ്ങളാക്കി ദെസിങ്ക് പെരിയസാമി ഒരുക്കി ഇന്ന് തീയേറ്ററുകളിൽ എത്തിയ മറ്റൊരു റിലീസ് ആണ് കണ്ണും കണ്ണും കൊള്ളയടിത്താൽ. ആന്റോ ജോസഫും വയകോം 18 സ്റ്റുഡിയോസും ചേർന്നാണ് ചിത്രം നിർമ്മിച്ചിരിക്കുന്നത്‌. റൊമാന്റിക്ക് പശ്ചാത്തലത്തിൽ കഥ പറഞ്ഞു പോകുന്ന ചിത്രത്തിൽ സംവിധായകൻ ഗൗതം മേനോൻ ഒരു പ്രധാന കഥാപാത്രം ചെയ്യുന്നുണ്ട്. ഒരു കിടിലം എന്റര്ടെയ്നർ ആയിട്ടാണ് സ്ംവിധായകൻ ചിത്രം ഒരുക്കിയിരിക്കുന്നത്.
പ്രണയത്തിൽ തുടങ്ങി ചെറിയ ട്വിസ്റ്റിനോടൊപ്പം ത്രില്ലർ മൂഡിലേയ്ക്കും തുടർന്ന് അവസാനിക്കുമ്പോൾ ദുൽഖറിന്റെ ഏറ്റവും മികച്ച അന്യഭാഷാ എന്റർട്ടേയ്നർ കണ്ടിറങ്ങിയ സംതൃപ്‌തയും നമുക്ക് ലഭിക്കുന്നുണ്ട്. സിനിമയുടെ കഥയും അതിനു ചേർന്ന അവതരണവും തന്നെയാണ് ചിത്രത്തെ മികച്ചതാക്കുന്നത്. ഛായാഗ്രഹണം പലയിടത്തും വശ്യമായ ഫ്രയിമുകൾ കൊണ്ട് പ്രേക്ഷകനെ കീഴടക്കുന്നുണ്ട്. മുന്നേ തന്നെ ഹിറ്റ് ആയ പാട്ടുകൾ ചിത്രത്തിൽ കൂടുതൽ ഭംഗി ആയിട്ടുണ്ട്. പശ്ചാത്തലവും അതിനൊത്തു മികച്ച്‌ നിൽക്കുന്നുണ്ട്.
ചുരുക്കത്തിൽ വലിയ ആഘോഷങ്ങൾ ഇല്ലാതെ വന്നിട്ടും ഇനിയുള്ള നാളുകൾ തിയേറ്റർ പൂരപറമ്പ് ആക്കാനുള്ള ഐറ്റവുമായിട്ടാണ് ദുൽഖറിന്റെ വരവ്. ഒട്ടും നിരാശരാവാത്ത മണിക്കൂറുകൾ കണ്ണും കണ്ണും കൊള്ളായടിത്താൽ ഓരോ പ്രേക്ഷകനും വാഗ്ദാനം ചെയ്യുന്നുമുണ്ട്.
