മാത്തുകുട്ടി സേവ്യർ സംവിധാനം ചെയ്ത് അന്ന ബെൻ നായികയായി തിയേറ്ററിൽ വലിയ വിജയത്തോടെ പ്രദർശനം തുടരുന്ന ഹെലനിലെ പുതിയ ഗാനം പുറത്തിറങ്ങി. ഷാൻ റഹ്മാൻ സംഗീതം നിർവഹിച്ച സിനിമയിൽ ഇന്ദ്രജിത്തിന്റെയും പൂർണിമയുടെയും മകളായ പ്രാർത്ഥന ഇന്ദ്രജിത് പാടിയ ‘താരാപദമാകെ’ എന്ന് തുടങ്ങുന്ന ഗാനമാണ് ഇപ്പോൾ പുറത്തിറങ്ങിയിരിക്കുന്നത്. സിനിമയിൽ വളരെ പ്രാധാന്യമുള്ള ഗാനം അതിമനോഹരമായാണ് പ്രാർത്ഥന ആലപിച്ചിരിക്കുന്നത്. നേരത്തെ പ്രാർത്ഥന പാടിയ ‘മോഹൻലാൽ’ സിനിമയിലെ ‘ലാലേട്ടാ’ എന്ന ഗാനം തരംഗമായിരുന്നു. വലിയ പ്രേക്ഷക പ്രീതി നേടിയ ഗാനം ഇപ്പോൾ തന്നെ ഹിറ്റ് ചാർട്ടിൽ ഇടം നേടി കഴിഞ്ഞിരിക്കുകയാണ്.
Subscribe
Login
0 Comments