ദേശീയ ചലച്ചിത്ര പുരസ്കാരം; ധ​നു​ഷും മ​നോ​ജ് ബാ​ജ്പേ​യും മികച്ച നടന്മാർ, കങ്കണ നടി, മരയ്ക്കാർ മികച്ച ചിത്രം

2019 ലെ ദേശീയ ചലചിത്ര പുരസ്കാരങ്ങൾ പ്രഖ്യാപിച്ചു. മികച്ച ചിത്രമായി മരയ്ക്കാർ അറബിക്കടലിന്റെ സിംഹം തെരഞ്ഞെടുത്തപ്പോൾ നടന്മാരായി ധനുഷും,മനോജ് ബാജ്പേയും, മികച്ചനടിയായി കങ്കണ റണാവത്തും പുരസ്കാരത്തിനർഹരായി. മികച്ച ചിത്രത്തിനു പുറമേ വ​സ്ത്രാ​ല​ങ്കാ​രം, സ്പെ​ഷ​ല്‍ ഇ​ഫ​ക്‌ട്സ് എ​ന്നീ രണ്ടു വി​ഭാ​ഗ​ങ്ങ​ളി​ൽ കൂടി മരയ്കാർ പുരസ്കാരങ്ങൾ നേടിയിരുന്നു. വ​സ്ത്രാ​ല​ങ്കാ​ര​ത്തി​ന് സു​ജി​ത് സു​ധാ​ക​റും സ്പെ​ഷ​ല്‍ ഇ​ഫ​ക്‌ട്സി​ന് പ്രി​യ​ദ​ര്‍​ശ​ന്‍റെ മ​ക​ന്‍ സി​ദ്ധാ​ര്‍​ഥും അ​വാ​ര്‍​ഡി​ന് അ​ര്‍​ഹ​രാ​യി.

അ​സു​ര​നി​ലെ അ​ഭി​ന​യ​ത്തി​ന് ധ​നു​ഷും ബോ​സ്‌​ലെ​യി​ലെ അ​ഭി​ന​യ​ത്തി​ന് മ​നോ​ജ് ബാ​ജ്പേ​യും മി​ക​ച്ച ന​ട​ന്മാ​ര്‍​ക്കു​ള്ള പു​ര​സ്കാ​രം പ​ങ്കി​ട്ടു. പ​ങ്ക, മ​ണി​ക​ര്‍​ണി​ക എ​ന്നീ ചി​ത്ര​ങ്ങ​ളി​ലെ പ്ര​ക​ട​ന​ത്തി​ന് ക​ങ്ക​ണ റ​ണാ​വ​ത്ത് മി​ക​ച്ച ന​ടി​ക്കു​ള്ള പു​ര​സ്കാ​രം നേ​ടി. സൂപ്പര്‍ ഡീലക്സ് എന്ന ചിത്രത്തിലൂടെ മികച്ച സഹനടനുള്ള പുരസ്കാരം വിജയ് സേതുപതി സ്വന്തമാക്കി.വെ​ട്രി​മാ​ര​ന്‍ സം​വി​ധാ​നം ചെ​യ്ത അ​സു​ര​ന്‍ മി​ക​ച്ച ത​മി​ഴ് ചി​ത്ര​മാ​യും തെ​ര​ഞ്ഞെ​ടു​ക്ക​പ്പെ​ട്ടു.

രാ​ഹു​ല്‍ റി​ജി നാ​യ​ര്‍ സം​വി​ധാ​നം ചെ​യ്ത ക​ള്ള​നേോട്ടം മി​ക​ച്ച മ​ല​യാ​ള ചി​ത്ര​മാ​യി തെ​ര​ഞ്ഞെ​ടു​ക്ക​പ്പെ​ട്ടു. സ​ജി​ന്‍ ബാ​ബു സം​വി​ധാ​നം ചെ​യ്ത ബി​രി​യാ​ണി ഉ​ള്‍​പ്പ​ടെ അ​ഞ്ച് ചി​ത്ര​ങ്ങ​ള്‍​ക്ക് ജൂ​റി​യു​ടെ പ്ര​ത്യേ​ക പ​രാ​മ​ര്‍​ശം ല​ഭി​ച്ചു.

മികച്ച നവാഗത സംവിധായകനുള്ള പുരസ്കാരം ഹെ​ല​ന്‍ സം​വി​ധാ​നം ചെ​യ്ത മാ​ത്തു​ക്കു​ട്ടി സേ​വ്യർ നേടി. ഹെലന് ച​മ​യം നി​ര്‍​വ​ഹി​ച്ച ര​ഞ്ജി​ത്ത് മി​ക​ച്ച മേ​ക്ക​പ്പ്മാ​നാ​യി. ജെല്ലിക്കെട്ടിലൂടെഗി​രീ​ഷ് ഗം​ഗാ​ധ​ര​ന് മി​ക​ച്ച ഛായാ​ഗ്രാ​ഹ​ക​നു​ള്ള പു​ര​സ്കാ​രം ല​ഭി​ച്ചു. കോ​ളാ​മ്പി എ​ന്ന ചി​ത്ര​ത്തി​ലെ ഗാ​ന​ങ്ങ​ള്‍​ക്ക് വ​രി​ക​ള്‍ എ​ഴു​തി​യ പ്ര​ഭാ​വ​ര്‍​മ മി​ക​ച്ച ഗാ​ന​ര​ച​യി​താ​വി​നു​ള്ള അ​വാ​ര്‍​ഡ് നേ​ടി. വിശ്വാസം എന്ന തമിഴ് ചിത്രത്തിലെ ഗാനങ്ങൾക്ക് ഡി ഇമ്മൻ മികച്ച സംഗീത സംവിധായകനായി.