ചടുതലയാർന്ന സംഘട്ടനവും ഡാൻസും കൊണ്ട് മലയാളി പ്രേക്ഷകരുടെ പ്രിയങ്കരനായ അല്ലു അർജുൻ തന്റെ പുതിയ ചിത്രത്തിന്റെ പണിപ്പുരയിലാണ്. ആര്യ, ആര്യ 2 എന്നീ ചിത്രങ്ങൾ പ്രേക്ഷകർക്ക് സമ്മാനിച്ച സുകുമാർ ഒരുക്കുന്ന പുഷ്പ എന്ന ചിത്രമാണ് അല്ലുവിന്റെ അടുത്തതായിട്ട് പുറത്തിറങ്ങാനുള്ളത്. ഇപ്പോൾ ചിത്രത്തികെ ഒരു സംഘട്ടന രംഗത്തെ കുറിച്ചാണ് സോഷ്യൽ മീഡിയയിൽ ചർച്ചാ വിഷയം. ചിത്രത്തിലെ ആറു മിനിറ്റോളം വരുന്ന സംഘട്ടനത്തിന് ആറു കോടിയോളം രൂപയാണ് ചിലവ്. വാർത്ത കേട്ടപ്പോൾ തന്നെ ആരാധകർ ആകാംഷയിലാണ്. കൂടുതൽ വാർത്തകൾ അണിയറക്കാർ പുറത്തു വിടുന്നതും കാത്തിരിക്കുകയാണ് പ്രേക്ഷകർ.
പുഷ്പയിൽ ലോറി ഡ്രൈവറായ പുഷ്പ രാജ് എന്ന കഥാപാത്രത്തെ ആണ് അല്ലു അർജുൻ അവതരിപ്പിക്കുന്നത്. കാട്ടിലെ കള്ളത്തടി കടത്തും പ്രമേയമാകുന്ന ചിത്രത്തിൽ രഷ്മികയാണ് നായിക. തമിഴ് താരം വിജയ് സേതുപതി ഒരു പ്രധാന വേഷത്തിൽ ചിത്രത്തിൽ എത്തുമെന്ന് വാർത്ത ഉണ്ടായിരുന്നുവെങ്കിലും താരം ഇപ്പോൾ അതിൽ നിന്ന് പിന്മാറി എന്നാണ് അറിയുന്നത്.