കൊറോണ ലോക്ക് ഡൗൺ കാലം ക്രിയേറ്റിവ് ആയി ഉപയോഗിച്ചു സക്സസ് ആയ ഒരാളാണ് കാർത്തിക്ക് ശങ്കറും അമ്മയും. നുറുങ്ങു തമാശകൾ ഉൾപ്പെടുന്ന ചെറിയ വീഡിയോസ് യൂട്യൂബിൽ വലിയ തരംഗം സൃഷ്ടിച്ചിരുന്നു. ഇപ്പോഴിതാ അജു വർഗീസ്, ധ്യാൻ, വൈശാഖ്‌ ഉൾപ്പെടുന്ന ഫണ്ടാസ്റ്റിക്ക് ഫിലിംസ് കാർത്തിക്കിന് വലിയൊരു അവസരം നൽകുകയാണ്. തീയേറ്ററുകൾ ഇല്ലാത്ത ഈ സമയത്ത് ചെറിയ സിനിമകൾ ഓണ്ലൈൻ പ്ലാറ്റ്ഫോമിൽ റിലീസ് ചെയ്യാൻ തയ്യാറെടുക്കുന്ന ഞങ്ങൾ അത്തരം ഒരു കഥയൊരുക്കാൻ കാർത്തിക്കിന് അവസരം നൽകുകയാണ് എന്നാണ് നിർമാതാക്കളുടെ ഭാഗം. ഫണ്ടാസ്റ്റിക്‌ ഫിലിംസിന്റെ ഒന്നാം വാർഷികത്തോട്‌ അനുബന്ധിച്ചാണ് ഇത്തരമൊരു പ്രഖ്യാപനം വന്നത്‌. ഏതായാലും കാർത്തികിന്റെയും അമ്മയുടെയും പുതിയ ചിത്രത്തിന് വേണ്ടിയുള്ള കാത്തിരിപ്പിലാണ് ആരാധകർ. ജൂലൈ 11ന് ആയിരിക്കും ഫണ്ടാസ്റ്റിക്‌ ഫിലിംസിന്റെ യൂട്യൂബ്‌ ചാനൽ വഴി ഇവരുടെ ആദ്യ വീഡിയോ പുറത്ത്‌ വരിക.
