മലയാള നടന്മാർക്ക്‌ മറ്റു ഭാഷയിൽ ആരാധകർ ഉണ്ടാകുന്നത്‌ സാധാരണമാണ്. എന്നാൽ അങ്ങനെയുള്ള ആരാധകർ രക്തദാനം പോലെയുള്ള ചാരിറ്റി കേരളത്തിലെ ആരാധകർ എന്ന പോലെ ചെയ്യുന്നത്‌ വളരെ അപൂർവവും പ്രശംസനീയവുമായ കാര്യമാണ്. മലയാളത്തിന്റെ സ്വന്തം ദുൽഖർ സൽമാന്റെ തമിഴ്‌നാട്ടിലെ ആരാധകർ ആണ് അവരുടെ ഇഷ്ട താരത്തിന്റെ ജന്മ ദിനത്തോടനുബന്ധിച്ച്‌ രക്തദാനം നടത്തിയത്‌. ജൂലൈ 28ന് ആണ് ദുൽഖറിന്റെ പിറന്നാൾ. തമിഴ്‌നാട്ടിലെ ഈറോട്‌ സ്വദേശികളായ ആരാധകർ ആണ് ഇത്തരമൊരു ചാരിറ്റി നടത്തിയത്‌.
