കന്നഡയിലെ സൂപ്പർ താരം യഷിന് ആരാധകരേറെയാണ്. യഷിനൊപ്പം ഭാര്യ രാധികയും രണ്ടു മക്കളും സോഷ്യൽ മീഡിയയിൽ സെലിബ്രിറ്റികൾ തന്നെ. ഇപ്പോഴിതാ ആരാധകർക്കായി ഇളയമകന്റെ പേരുവെളിപ്പെടുത്തിയിരിക്കുകയാണ് യാഷും ഭാര്യ രാധിക പണ്ഡിറ്റും. യാതർവ് യാഷ് എന്നാണ് മകന്റെ പേര്. നാമകരണ ചടങ്ങില് നിന്നുള്ള വീഡിയോ പങ്കുവയ്ക്കാനും താരം മറന്നില്ല.
2019 ഒക്ടോബറിലാണ് ദമ്പതികൾക്ക് ഇളയമകൻ പിറന്നത്. കുഞ്ഞിന്റെ ചിത്രങ്ങളും വിശേഷങ്ങളുമെല്ലാം പങ്കുവയ്ക്കുമെങ്കിലും കുട്ടിയാഷിന്റെ പേരിനായി കാത്തിരിക്കുകയായിരുന്നു ആരാധകർ. ഇതുവരെ ആരാധകരെല്ലാം കുഞ്ഞിനെ ജൂനിയര് റോക്കി അല്ലെങ്കില് ജൂനിയര് യാഷ് എന്നെല്ലാമാണ് വിളിച്ചിരുന്നത്.
കുഞ്ഞിന്റെ പേര് ഉടൻ പ്രഖ്യാപിക്കുമെന്ന് രാധിക സോഷ്യൽ മീഡിയയിലൂടെ അറിയിച്ചിരുന്നു. ഏതായാലും ജൂനിയർ റാഷിന്റെ പേര് കലക്കിയെന്നാണ് പൊതുവേ വരുന്ന കമന്റുകൾ. കൊവിഡ് കാലത്ത് സിനിമാലോകം പ്രതിസന്ധിയിലാണെങ്കിലും യഷ് നായകനാകുന്ന കെജിഫ് 2 വിനായി കാത്തിരിക്കുകയാണ് ആരാധകർ.