മലയാള സിനിമാ പ്രേമികൾക്ക് മറക്കാനാകാത്ത പേരുകളാണ് നിർമാതാവ് ഹരി പോത്തനും, സുപ്രിയാ ഫിലിംസും. അശ്വമേധം മുതല്‍ മാളൂട്ടി വരെ നിപവധി ചിത്രങ്ങൾ നമുക്കു സമ്മാനിച്ച നിർമ്മാതാവ്.
ഹരിപോത്തന്റെ 25ാം ഓർമ്മദിനത്തിൽ ഡ്രീം മർച്ചന്റ്സ് എന്ന പേരിൽ പുതിയ നിർമാണകമ്പനി ആരംഭിച്ചിരിക്കുകയാണ് സുപ്രിയ ഫിലിംസ്.ഡ്രീം മര്‍ച്ചന്റ്‌സിന് ആശംസകളുമായി സൂപ്പർ സ്റ്റാർ മോഹൻലാലും എത്തിയിട്ടുണ്ട്. സുപ്രിയയെപ്പോലെ മികച്ച സിനിമകള്‍ നമുക്ക് സമ്മാനിക്കാന്‍ ഡ്രീം മര്‍ച്ചന്റ്സിനും സാധിക്കട്ടെ എന്നാശംസിക്കുന്ന കുറിപ്പോടുകൂടിയാണ് മോഹൻലാൽ പുത്തൻ കമ്പനിയെ പരിചയപ്പെടുത്തിയത്.
കുറിപ്പിന്റെ പൂർണ രൂപം;
” മലയാളത്തിലെ എക്കാലത്തെയും മികച്ച, മാറ്റത്തിന്റെ കാഹളമോതിയ നിരവധി സിനിമകൾ സംഭാവന ചെയ്ത സുപ്രിയ ഫിലിംസ്, അതിന്റെ അമരക്കാരനായിരുന്ന ഹരിപോത്തൻ ബാക്കിവയ്ച്ചുപോയ ചലച്ചിത്ര സ്വപ്‌നങ്ങൾക്ക് നിറം പകരാൻ പുനർജ്ജനിക്കുന്നു എന്നറിയുന്നതിൽ ഞാൻ അതീവ സന്തോഷവാനാണ്… #The_Dream_Merchants ! അങ്ങിനെയാണ് സുപ്രിയയുടെ പുതിയ തലമുറ അറിയപ്പെടുക. സുപ്രിയയെപ്പോലെ മികച്ച സിനിമകൾ നമുക്ക് സമ്മാനിക്കാൻ ഡ്രീം മർച്ചന്റ്‌സിനും സാധിക്കട്ടെ എന്ന് ആശംസിക്കുന്നു.
