മെഗാസ്റ്റാർ മമ്മൂട്ടി നായകനായി 1999 ൽ റിലീസായ ചിത്രമാണ് പല്ലാവൂർ ദേവനാരായണൻ. ഗിരീഷ് പുത്തഞ്ചേരി തിരക്കഥയെഴുതിയ ചിത്രം സംവിധാനം ചെയ്തത് വി എം വിനുവായിരുന്നു. എന്നാൽ ചിത്രത്തിന്റെ കഥകേട്ട മമ്മൂട്ടി പറഞ്ഞത് മറ്റൊന്നായിരുന്നത്രേ.
സിനിമയിലെ നായക കഥാപാത്രത്തെ മോഹന്‍ലാല്‍ അവതരിപ്പിച്ചുകാണണം എന്നായിരുന്നു മമ്മൂട്ടിയുടെ ആഗ്രഹം. കഥയും കഥാപാത്രവും കേട്ടപ്പോള്‍ തന്നെ ‘ഇത് ലാലിന് പറ്റിയ റോള്‍ അല്ലേ?’ എന്നായിരുന്നു മമ്മൂട്ടി അന്വേഷിച്ചത്. പലതവണ ഇക്കാര്യം വിനുവിനോട് പറയുകയും ചെയ്തു.
പല്ലാവൂർ ദേവനാരായണനായി മമ്മൂട്ടിതന്നെ വരണമെന്ന് വിനുവിന് നിർബന്ധമായിരുന്നു. മമ്മൂട്ടിയുമൊത്ത് വിനു ചെയ്യുന്ന ആദ്യ സിനിമയായിരുന്നു പല്ലാവൂര്‍ ദേവനാരായണന്‍. പിന്നീട് വേഷം, ബസ് കണ്ടക്‍ടര്‍, ഫേസ് ടു ഫേസ് തുടങ്ങിയ ചിത്രങ്ങളും എടുത്തു. മോഹൻലാൽ ചിത്രം ബാലേട്ടനും സംവിധാനം ചെയ്തത് വിനുവാണ്.
