ആദം ജോൺ എന്ന ചിത്രത്തിൽ പൃഥ്വിരാജിന്റെ നായികയായെത്തിയ താരമാണ് മിഷ്ടി ചക്രവർത്തി. ഒറ്റ ചിത്രത്തിലൂടെ തന്നെ മിഷ്ടി മലയാളികളുടെ പ്രിയങ്കരിയായി. മറ്റു പല ചലച്ചിത്ര താരങ്ങൾക്കും സംഭവിച്ചതുപോലെ തന്നെ സ്വന്തം മരണം നിഷേധിക്കുന്ന സാഹചര്യത്തിലാണ് ഇപ്പോൾ മിഷ്ടിയും. താൻ ആരോഗ്യവതിയായി ഇപ്പോഴും ജീവിച്ചിരിക്കുന്നുവെന്നാണ് മിഷ്ടി പറയുന്നത്.
“ചില വാര്ത്തകള് പ്രകാരം ഞാനിന്ന് മരിച്ചു…ദൈവാനുഗ്രഹം കൊണ്ട് ഞാന് ആരോഗ്യത്തോടെയിരിക്കുന്നു. ഇനിയും ഏറെ നാള് ജീവിക്കാനുണ്ട്” ഗൂഗിള് സര്ച്ചിൽ താൻ മരിച്ചതായി രേഖപ്പെടുത്തിയ സ്ക്രീൻ ഷോട്ട് സഹിതം താരം കുറിച്ചു.
വൃക്കസംബന്ധമായ അസുഖത്തെത്തുടർന്ന് കഴിഞ്ഞ ദിവസം ബംഗാളി നടിയായി മിഷ്തി മുഖർജി മരണപ്പെട്ടിരുന്നു. ഈ വാർത്തയെത്തുടർന്നുണ്ടായ തെറ്റിദ്ധാരണയാണ് ബംഗാളി സ്വദേശിയായ മിഷ്ടിയുടെ മരണവാർത്തയായി പരിണമിച്ചത്.