അടിക്കടി വിവാദങ്ങളിൽ ചെന്നുപെടുമെങ്കിലും അഭിനയത്തിന്റെ കാര്യത്തിൽ കങ്കണ റണാവത്ത് പിറകോട്ടില്ല. കഥാപാത്രങ്ങൾ വിജയിപ്പിക്കാൻ എന്തു വെല്ലുവിളിയും താരം സ്വീകരിക്കും. ഇപ്പോഴിതാ അന്തരിച്ച തമിഴ്നാട് മുൻ മുഖ്യമന്ത്രി ജയലളിതായാകുകയാണ് താരം. ജയലളിതയുടെ ജീവിതം അടിസ്ഥാനമാക്കി എ എൽ വിജയ് സംവിധാനം ചെയ്യുന്ന തലൈവി എന്ന ചിത്രത്തിലാണ് കങ്കണ ജയലളിതയായെത്തുന്നത്.
ഇപ്പോൾ തലൈവിയായി രൂപമാറ്റം വരുത്തിയ കങ്കണയെക്കണ്ട് ആരാധകർ ഞെട്ടിയിരിക്കുകയാണ്. ജയലളിതയുടെ ഒരു കാലത്തെ സ്റ്റൈലായ ആ വലിയ കറുത്ത പൊട്ടും ഹെയര്സ്റ്റൈലും അതേപടി പകര്ത്തിയുള്ള കങ്കണയുടെ പുതിയ ബ്ലാക്ക് ആന്ഡ് വൈറ്റ് ചിത്രമാണ് സോഷ്യല് മീഡിയയില് വൈറലായിക്കൊണ്ടിരിക്കുന്നത്.
ജയലളിത യൌവ്വന കാലത്തെ അവതരിപ്പിച്ചതും, പാര്ലമെന്ററി സമ്മേളനത്തില് പങ്കെടുക്കുന്നതുമായ ചിത്രങ്ങളാണ് താരം പങ്കുവെച്ചത്. ജയ മായുടെ അനുഗ്രഹത്താല് ഞങ്ങള് വിപ്ലവ നേതാവായ ‘തലൈവി’യുടെ ഒരു ഷെഡ്യൂള് കൂടി പൂര്ത്തിയാക്കി. കൊറോണയ്ക്ക് ശേഷം പലതും വ്യത്യസ്തമാണ്’. അതോടൊപ്പം തന്നെ ടീമിനും നടി നന്ദി അറിയിക്കുന്നു..കങ്കണ ട്വിറ്ററില് കുറിച്ചു.
എംജി ആറായി അരവിന്ദ് സ്വാമിയാണ് എത്തുന്നത്. ‘ബാഹുബലി’, ‘മണികര്ണിക’, ‘ഭജരംഗി ഭായിജാന്’ എന്നിവയ്ക്ക് തിരക്കഥയൊരുക്കിയ കെവി വിജയേന്ദ്ര പ്രസാദിന്റേതാണ് തിരക്കഥ. വൈബ്രി, കര്മ്മ മീഡിയ എന്നിവയുടെ ബാനറില് വിഷ്ണു വര്ധന് ഇന്ദൂരി, ശൈലേഷ് ആര് സിംഗ് എന്നിവര് ചേര്ന്നാണ് ചിത്രം നിര്മ്മിക്കുന്നത്.