തീർത്തും സങ്കടകരമായ ചിലരുടെ നടപടി മൂലം അപ്‌ലോഡ്‌ ചെയ്ത്‌ 1 ലക്ഷത്തിന് മുകളിൽ കാഴ്ചക്കാർ വന്ന് യൂട്യൂബ്‌ നിക്കം ചെയ്ത്‌ വീണ്ടും തിരികെ വന്ന SPB ട്രിബ്യൂട്ട്‌ ഗാനം പ്രേക്ഷകർ ഏറ്റെടുത്തിരിക്കുന്നു. അഞ്ജലീ പ്രാണാഞ്ജലി എന്ന രാഹുൽ രാജ്‌ ഈണമിട്ട ഗാനം മലേഷ്യൻ ഇവന്റ്‌ മാനേജ്‌മെന്റ്‌ നടത്തുന്ന കമ്പനിയുടെ നീക്കത്തെ തുടർന്നാണ് ആദ്യ വീഡിയോ യൂട്യൂബ്‌ നീക്കം ചെയ്തത്‌. പിന്നീട്‌ തിരികെ വന്ന ഗാനം ആദ്യ 48 മണിക്കൂറിൽ തന്നെ ഒന്നര ലക്ഷത്തിന് മുകളിൽ കാഴ്ചക്കാരെ സ്വന്തമാക്കിയിരുന്നു. ഹരിചരൺ ആലപിച്ച ഗാനം ഇപ്പോൾ മുകളിൽ പ്രേക്ഷക സ്വീകാര്യത നേടിയിരിക്കുകയാണ്.
യാതൊരു വിധ കച്ചവട ലാഭവും കൂടാതെയാണ് അണിയറ പ്രവർത്തകർ ഇത്തരമൊരു വീഡിയോ ഒരുക്കിയത്‌. മുംബൈയിൽ ഒന്നര ദിവസം കൊണ്ട്‌ ഷൂട്ട്‌ ചെയ്ത ഈ വീഡിയോക്ക്‌ കളറിംഗ്‌ ചെയ്തിരിക്കുന്നത്‌ പ്രശസ്ത കളറിസ്റ്റ്‌ ആയ ഷിവേശ്‌ കതേവയാണ്. രചയിതാവും നിർമ്മാതാവും കൂടിയായ രാജീവ്‌ ഗോവിന്ദന്റെ നിർമ്മാണ കമ്പനിയായ വാട്ടർ ബൗണ്ട്‌ മീഡിയ നിർമ്മാണം വഹിച്ച ഈ ഗാനത്തിന്റെ സംവിധാനം മഗേഷ്‌ കൊല്ലേരിയാണ്.
