മിനിസ്ക്രീനിലൂടെ എത്തി ചുരുങ്ങിയ കാലം കൊണ്ടുതന്നെ മലയാള സിനിമയിൽ തന്റേതായ ഇടം നേടിയ താരമാണ് മിയ ജോർജ്. അടുത്തിടെയാണ് മിയ വിവാഹിതയായത്. എന്നാൽ മലയാളത്തിലെ പതിവുപോലെ വിവാഹശേഷം അഭിനയം നിർത്തിയില്ല. ശക്തമായ കഥാപാത്രവുമായി തിരിച്ചെത്തുകയാണ് മിയ. വിവാഹശേഷവും അഭിനയിക്കുമെന്ന് താരം വ്യക്തമാക്കിയിരുന്നു. ഇപ്പോഴിതാ വിവാഹ ശേഷം ടൈറ്റില്‍ റോളില്‍ ആണ് മിയയുടെ തിരിച്ചു വരവ്. സിഐഡി ഷീല എന്ന ചിത്രത്തിലൂടെയാണ് പ്രധാനകഥാപാത്രമായി താരമെത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി.
നവീന്‍ ജോണ്‍ ആണ് ഷീലയുടെ തിരക്കഥാകൃത്ത്. സംവിധാനം സൈജു എസ്.എസ്. ദിനേശ് കൊല്ലപ്പള്ളി നിര്‍മിക്കുന്ന ചിത്രത്തിന്റെ എഡിറ്റിങ് മഹേഷ് നാരായണന്‍ ആണ്. രാജീവ് വിജയ് ക്യാമറയും പ്രകാശ് അലക്‌സ് സംഗീതവും നിർവഹിക്കും. പ്രൊഡക്ഷന്‍ കണ്‍ട്രോളര്‍ സതീഷ് കാവില്‍ കോട്ട.
