ട്രാൻസ് ജെന്റർ സജ്ന ഷാജിക്ക് നല്ഡകിയ വാക്ക് പാലിച്ച് നടൻ ജയസൂര്യ.’സജ്‌നാസ് കിച്ചണ്‍’ പ്രവര്‍ത്തനമാരംഭിച്ചു. നടന്‍ ജയസൂര്യയാണ് ഹോട്ടലിന്റെ ഉദ്ഘാടനം നിര്‍വഹിച്ചത്. കോവിഡ് പ്രതിസന്ധിക്കിടയില്‍ ബിരിയാണി വില്‍പന ഉപജീവനമാക്കിയ സജ്‌നയുടെയും കൂട്ടരുടെയും വഴിയോരക്കച്ചവടം ചിലര്‍ മുടക്കിയതോടെ പ്രസന്ധിയിലായ സജ്നക്ക് പിന്തുണയുമായി നടൻ ജയസൂര്യ എത്തുകയായിരുന്നു.
സജ്‌നയ്ക്ക് ഒരു ഹോട്ടല്‍ തുടങ്ങാനുള്ള എല്ലാവിധ സഹായങ്ങളും ചെയ്യാമെന്നായിരുന്നു ജയസൂര്യ അന്ന് പറഞ്ഞത്. ഇപ്പോഴിതാ സജ്നയുടെ ആ സ്വപ്നം മലയാളത്തിന്റെ പ്രിയതാരം സഫലമാക്കിയിരിക്കുന്നു.
‘ദൈവത്തിന് തുല്യം കാണുന്ന ജയേട്ടനാണ് ഞങ്ങള്‍ക്ക് ഹോട്ടലെടുത്ത് തന്നത്. അതിന്റെ കടപ്പാടും നന്ദിയുമുണ്ട്. എന്റെ മുന്നിലെ ദൈവമെന്ന് പറയുന്നത്, ആപത്ഘട്ടത്തിലും പിടിച്ച്‌ നിര്‍ത്തി പ്രശ്‌നങ്ങളൊക്കെ നേരിടാന്‍ തയ്യാറാവണം, എന്നാലെ ജീവിതത്തില്‍ വിജയമുണ്ടാവു എന്ന് പറഞ്ഞ് കൂടെ നിന്ന ജയസൂര്യ സാറാണ്. എങ്ങിനെ നന്ദി പറയണം, ഈ കടപ്പാട് എങ്ങനെ വീട്ടണമെന്നൊന്നും എനിക്ക് അറിയില്ല. കാരണം എന്റെ ഏറ്റവും വലിയൊരു സ്വപ്‌നത്തിന് കൂട്ട് നിന്നു. അവസാനം വരെ പ്രതിസന്ധികളിലെല്ലാം തളരാതെ എന്നെ പിടിച്ച്‌ നിര്‍ത്തി. ഒരു പാട് നന്ദിയുണ്ട്.’-സജ്ന പറഞ്ഞു.
