മലയാളത്തിന്റെ പ്രിയ നായിക മാത്രമല്ല ഇന്ന് നിർമ്മാതാവിന്റെ റോളിൽ കൂടിയെത്തുകയാണ് മഞ്ജു വാര്യർ. പുതിയ കാലത്ത് സിനിമയ്ക്കും പ്രേക്ഷകർക്കും വന്ന മാറ്റങ്ങളെക്കുറിച്ച് പറയുകയാണ് താരം.
ഇന്നത്തെ കാലഘട്ടത്തില്‍ സിനിമ നല്ലതാണെങ്കില്‍ കേന്ദ്ര കഥാപാത്രമാരാണെങ്കിലും പ്രേക്ഷകര്‍ കാണുമെന്ന് മഞ്ജു അഭിപ്രായപ്പെട്ടു.ഈ കാലഘട്ടത്തില്‍ കേന്ദ്ര കഥാപാത്രത്തിന്റെ ജന്‍ഡറിന് യാതൊരു പ്രാധാന്യവുമില്ല. സിനിമ പറയുന്ന വിഷയവും, എടുത്ത രീതിയും നല്ലതാണെങ്കില്‍ പ്രേക്ഷകരത് സ്വീകരിക്കും.
തന്നെ തേടിവരാറുള്ളത് സ്ത്രീ കേന്ദ്രീകൃത വിഷയങ്ങളാണ്. അത്തരം ചിത്രങ്ങൾ ചെയ്യാൻ കഴിഞ്ഞത് ഭാഗ്യമെന്ന് കരുതുന്നു. ആ സിനിമകള്‍ വിജയിക്കുന്നത് എപ്പോഴും സന്തോഷം തന്നെ എന്നാൽ പല സിനിമകളുമായുള്ള സമാനതകള്‍ കാരണം ചില വേഷങ്ങൾ വേണ്ടെന്ന് വെച്ചിട്ടുണ്ടെന്നും മഞ്ജു പറഞ്ഞു.
