അനുഗ്രഹീതൻ ആന്റണി റിലീസിന് ഒരുങ്ങുന്നു. നവാഗതനായ പ്രിന്‍സ് ജോയ് സംവിധാനം ചെയ്യുന്ന ചിത്രമാണ് അനുഗ്രഹീതൻ ആന്റണി. സണ്ണി വെയ്‌നും ഗൗരി കിഷനും ആണ് പ്രധാന കഥാപാത്രങ്ങൾ. ലക്ഷ്യ എന്റര്‍ടെയ്ന്‍മെന്റിന്റെ ബാനറില്‍ എം ഷിജിത്ത് നിര്‍മിക്കുന്നു.
ഒരു നായയും മനുഷ്യനും തമ്മിലുള്ള സ്‌നേഹ ബന്ധത്തിന്റെ കഥ പറയുന്ന ചിത്രമാണിത്. നായ ഒരു പ്രധാന കഥാപാത്രമായി തന്നെ ഈ ചിത്രത്തിലെത്തുന്നു. സംഗീതത്തിനും പ്രണയത്തിനും കുടുംബ ബന്ധങ്ങള്‍ക്കും ഒരുപാട് പ്രാധാന്യമുള്ള കഥയും കൂടിയാണ് സിനിമയുടേത്.
ഇന്ദ്രന്‍സ്, സിദ്ധിഖ്, സൂരാജ് വെഞ്ഞാറമൂട്, ബൈജു സന്തോഷ്, ഷൈന്‍ ടോം ചാക്കോ, മാല പാര്‍വതി, മുത്തുമണി, മണികണ്ഠന്‍ ആചാരി, ജാഫര്‍ ഇടുക്കി തുടങ്ങിയവര്‍ മറ്റു കഥാപാത്രങ്ങളെ അവതരിപ്പിക്കുന്നു. ജിഷ്ണു എസ് രമേശും അശ്വിന്‍ പ്രകാശുമാണ് കഥ ഒരുക്കിയത്. തിരക്കഥയും സംഭാഷണവും ഒരുക്കിയിക്കുന്നത് നവീന്‍ ടി മണിലാലാണ്. മനു മഞ്ജിത്തിന്റെയും ഉണ്ണി കാര്‍ത്തികേയന്റെയും വരികള്‍ക്ക് അരുണ്‍ മുരളീധരനാണ് ഈണം നല്‍കിയിരിക്കുന്നത്. സംഗീതത്തിന് പ്രാധാന്യം നൽകുന്ന സിനിമയാണ്.
ക്യാമറ സെല്‍വകുമാര്‍. എഡിറ്റര്‍ അപ്പു ഭട്ടതിരി , പ്രൊജക്‌ട് ഡിസൈനര്‍ ബാദുഷ, സൗണ്ട് ഡിസൈന്‍ ശങ്കരന്‍ എ എസ്, സിദ്ധാര്‍ത്ഥന്‍ കെ സി, ചീഫ് അസോസിയേറ്റ് ഡയറക്ടര്‍ സുധീഷ് ഗോപിനാഥ് എന്‍ തുടങ്ങിയവരും സിനിമയുടെ അണിയറയിൽ പ്രവർത്തിക്കുന്നു.
