ഒരു പതിറ്റാണ്ടിൽ ഏറെയായി സിനിമാരംഗത്ത് സജീവമാണ് മംമ്ത മോഹന്ദാസ്. അഭിനയത്തിനൊപ്പം തന്നെ സംഗീത മേഖലയില് കൂടി ചുവട് ഉറപ്പിക്കാൻ ശ്രമിക്കുകയാണ് ഗായിക കൂടിയായ മംമ്ത. ലോകമേ എന്ന സംഗീത ആൽബത്തിൻറെ നിർമ്മാണം നിർവഹിച്ചത് മംമ്ത ആയിരുന്നു. മോഹന്ലാലും മംമ്തയുടെ ലോകമേ യില് സാന്നിധ്യം അറിയിക്കുന്നുണ്ട്.
മലയാളത്തിലെ ഏറ്റവും ചിലവേറിയ സിംഗിൾ ആൽബം എന്ന നിലയിൽ ലോകമേ എന്നത് ശ്രദ്ധിക്കപ്പെട്ടു. ദൃശ്യം 2ന്റെ ഷൂട്ടിനിടയിലാണ് ലാലേട്ടന് ഞങ്ങള്ക്ക് വേണ്ടി അത് ചെയ്തു തന്നത് എന്നും അടുത്തിടെ നൽകിയ അഭിമുഖത്തിൽ താരം പറയുന്നു.
ലാലേട്ടനുമായിട്ട് കൂടുതല് സിനിമകള് ഞാന് ചെയ്തിട്ടില്ല. അതുകൊണ്ടുതന്നെ അദ്ദേഹത്തോട് ലോകമേയുടെ കാര്യം പറയാന് ചെറിയൊരു മടിയുണ്ടായിരുന്നു. വളരെ തിരക്കുകൾക്ക് ഇടയിൽ നിന്നാണ് മോഹൻലാൽ ആൽബത്തിൻറെ ഭാഗം ആയത്തെന്നും, അത് അപ്രതീക്ഷിതമായിരുന്നു എന്നുമാണ് അവർ കൗമുദിക്ക് നൽകിയ അഭിമുഖത്തിൽ പറഞ്ഞത്.