67ആമത്‌ ദേശീയ പുരസ്കാരത്തിൽ മലയാളത്തിനും നേട്ടം. മികച്ച ചിത്രവും മികച്ച ഛായാഗ്രഹണവും അടക്കം നിരവധി പുരസ്കാരങ്ങൾ ആണ് ഇക്കുറി മലയാളത്തിനെ തേടിയെത്തിരിക്കുന്നത്‌. അതിൽ എടുത്ത്‌ പറയേണ്ട ഒന്നാണ് മോഹൻലാൽ – പ്രിയദർശൻ ടീമിന്റെ ബ്രഹ്മാണ്ഡ സിനിമ മരക്കാറിന്റെ നേട്ടം. 3 പുരസ്കാരങ്ങൾ ആണ് ചിത്രം സ്വന്തമാക്കിയിരിക്കുന്നത്‌. മികച്ച ചിത്രം, മികച്ച വി എഫ് എക്സ്, കോസ്റ്റ്യൂം ഡിസൈനിംഗ് എന്നിവയിൽ ആണ് മരക്കാർ നേടിയ പുരസ്കാരങ്ങൾ.
മോഹൻലാൽ പ്രിയദർശൻ കൂട്ടുകെട്ടിൽ ഒരുങ്ങുന്ന ബ്രഹ്മാണ്ഡ ചിത്രം ചിത്രം ‘ മരക്കാർ, അറബിക്കടലിൻറെ സിംഹം മെയ് 13ന് ലോകമെമ്പാടും പ്രദർശനത്തിനെത്തും എന്നാണ് അറിയിച്ചത്. കഴിഞ്ഞ വർഷം മാർച്ച് 21 ന് റിലീസിനെത്തേണ്ടിയിരുന്ന ചിത്രമായിരുന്നു മരക്കാർ. അതിനിടെയാണ് കോവിഡ് വ്യാപനത്തെ തുടർന്ന് ലോക്ഡൗൺ ഏർപ്പെടുത്തുന്നത്. ഇതിനെ തുടർന്ന് ചിത്രത്തിന്റെ റിലീസും അനിശ്ചിതത്വത്തിലാവുകയായിരുന്നു.
