മലയാളി മനസ്സുകളിൽ ശബ്ദം കൊണ്ട് ഇടം നേടിയ കെഎസ് ഹരിശങ്കറിന്റെ നേതൃത്വത്തിൽ ഉള്ള പ്രഗതി ബാന്റ് ആണ് ഇന്നത്തെ സോഷ്യൽ മീഡിയ താരം. ഇവർ ഒരുക്കുന്ന ഇന്ത്യയിലെ തന്നെ ആദ്യ ട്രിലിങ്വൽ (ത്രി ഭാഷ) മ്യൂസിക് സീരീസിലെ രണ്ടാം ഗാനം ഇപ്പോൾ റിലീസ് ആയിരിക്കുകയാണ്. ബോധി, ഗതി, മുക്തി എന്നീ മ്യൂസിക് വീഡിയോകളിലെ ഗതി എന്ന രണ്ടാം ഭാഗം ആണ് ഇപ്പോൾ റിലീസ് ആയിരിക്കുന്നത്. ഹരി ശങ്കർ ആലപിച്ച ഗാനത്തിൽ നൈല ഉഷയാണ് മുഖ്യ വേഷം ചെയ്തിരിക്കുന്നത്‌. ജിതിൻ ലാൽ ആണ് സംവിധാനം ചെയ്തിരിക്കുന്നത്‌.
KS Harishankar, Precious Peter, Abishek Amanath, Abhijith Sudhi, Abin sagar എന്നിവർ അടങ്ങുന്ന പ്രഗതി ബാന്റ് ഇപ്പോൾ മലയാളി മനസിലെ പ്രിയപെട്ടവരാണ്. ഇതിനു മുൻപേ ഇവരുടേതായി യൂട്യൂബിൽ റിലീസ് ആയ ആദ്യ ഭാഗമായ ലെന അഭിനയിച്ച ‘ബോധി’യും ‘ജിയ ജലെ’ കവർ വേർഷൻ വൻ തരംഗം ആയിരുന്നു.
