മോൻട്രിയൽ ഫിലിം ഫെസ്റ്റിവൽ, IFFK, ഡൽഹി ഫിലിം ഫെസ്റ്റിവൽ തുടങ്ങി വിവിധ ചലച്ചിത്ര മേളകളിൽ സാന്നിധ്യം അറിയിച്ച ശേഷം ‘കോട്ടയം’ എന്ന സിനിമ റിലീസിന് ഒരുങ്ങുകയാണ്. പേര് പോലെ ഒരു ചെറിയ നാടിന്റെ കഥയല്ല സിനിമ പറയുന്നത്. കേരളം മുതൽ അരുണാചൽ പ്രദേശ് വരെ നീണ്ടു നിൽക്കുന്ന ലോകം മൊത്തം പ്രധാന്യം അർഹിക്കുന്ന കഥയാണ് കോട്ടയം പറയുന്നത്.
സ്വന്തം സ്വത്വം നഷ്ടപ്പെട്ട ഒരു സ്മൂഹം, ആ സമൂഹത്തിലെ തന്നെ ഒരു സ്ത്രീ നേരിടുന്ന വിവിധ അനുഭവങ്ങൾ. ഇവയെല്ലാത്തിന്റെയും നേർ കാഴ്ചയാണ് കോട്ടയം എന്ന സിനിമ. ബിനു ഭാസ്‌കർ ഒരുക്കുന്ന ഈ സിനിമയിൽ നടനും ക്യാമറമാന്യമായ സംഗീത് ശിവനും അഭിനയിക്കുന്നുണ്ട്‌. അദ്ദേഹം ആദ്യമായി അഭിനയിക്കുന്ന ചിത്രമെന്ന പ്രത്യേകതയും ഈ ചിത്രത്തിനുണ്ട്‌. തീർത്തും വ്യത്യസ്തമായ ഒരു അനുഭവം ആയിരിക്കും എന്നാണ് സംവിധായകൻ ഉൾപ്പടെ ഉള്ള അണിയറക്കാർ നമ്മളോട് പറയുന്നത്. ജനുവരി 17ന് ആണ് ചിത്രം തിയേറ്ററുകളിലെത്തുന്നത്‌.
