വലിയ സംശയങ്ങളാണ് പുതിയ ആസിഫ് അലി ചിത്രത്തിന്റെ ടൈറ്റിൽ പോസ്റ്റർ പ്രേക്ഷകർക്ക് നൽകുന്നത്. ‘എ രഞ്ജിത് സിനിമ’ എന്ന് പേരിട്ടിരിക്കുന്ന ചിത്രം രഞ്ജിത് എന്ന വ്യക്തിയുടെ ജീവിതത്തിലുണ്ടാകുന്ന മാനസിക ആഘാതത്തിലൂടെ തുടങ്ങി നടക്കുന്ന സംഭവ വികാസങ്ങളാണ് പറയുക. സംവിധായകൻ ഷാഫിയുടെ സഹായി കൂടി ആയിരുന്ന നിഷാന്ത് സാറ്റു ആണ് ചിത്രം ഒരുക്കുന്നത്. സന്തോഷ് ശിവൻ, അമൽ നീരദ് തുടങ്ങിയവരുടെ അസോസിയേറ്റ് ആയി പ്രവർത്തിച്ചിരുന്ന നിഷാന്ത് തന്റെ ആദ്യ ചിത്രം ഓര്ക്കുമ്പോൾ അതിൽ പ്രതീക്ഷകൾ ഏറെയാണ്. പേരിനോടൊപ്പം തന്നെ ചിത്രത്തിന്റെ പോസ്റ്ററും ശ്രദ്ധ നേടിയിരിക്കുകയാണ്. കടുവ, ലൂസിഫർ തുടങ്ങിയ ചിത്രങ്ങളുടെ പോസ്റ്റർ ഡിസൈൻ നിർവഹിച്ച ആനന്ദ് രാജേന്ദ്രൻ ആണ് ഇതിന്രെയും ഡിസൈൻ ചെയ്തിരിക്കുന്നത്.