സണ്ണി വെയ്ൻ നായകനായ സിനിമ ആയിരുന്നു അനുഗ്രഹീതന്‍ ആന്റണി. ചിത്രത്തിന്റെ വിജയം സണ്ണി വെയ്ന്‍ ദുല്‍ക്കറിനൊപ്പം ആഘോഷമാക്കിയിരുന്നു. ഇപ്പോഴിതാ സിനിമയുടെ ലൊക്കേഷന്‍ ഓര്‍മ്മകളും ചിത്രങ്ങളും പങ്ക് വയ്ക്കുകയാണ് നടന്‍ പ്രശാന്ത് അലക്‌സാണ്ടര്‍.
ജാഫര്‍ ഇടുക്കി, മണികണ്ഠന്‍ ആചാരി എന്നിവര്‍ക്കൊപ്പമുള്ള ചിത്രം പങ്കുവെച്ച്‌ കൊണ്ടാണ് തന്റെ സന്തോഷം പ്രശാന്ത് പ്രേക്ഷകരെ അറിയിച്ചത്. ‘എന്റെ പ്രിയപ്പെട്ട രണ്ട് അഭിനേതാക്കളായ മനുഷ്യര്‍ ജാഫര്‍ ഇടുക്കി, മണികണ്ഠന്‍ ആചാരി. അനുഗ്രഹീതന്‍ ആന്റണിയുടെ സെറ്റുകളില്‍ നിന്ന്.’ എന്നാണ് പ്രശാന്ത് സാമൂഹിക മാധ്യമത്തിൽ പങ്കുവെച്ച ചിത്രത്തിന് ഒപ്പം കുറിച്ചത്.
ഫ്രാന്‍സിസ് എന്ന കഥാപാത്രത്തെയാണ് പ്രശാന്ത് സിനിമയിൽ അവതരിപ്പിച്ചത്. ഏപ്രില്‍ ഒന്നിന് ആയിരുന്നു സിനിമയുടെ റിലീസ്. ഗൗരി കിഷന്‍ ആയിരുന്നു സിനിമയിലെ നായിക.