ചലച്ചിത്ര താരം മിയ ജോർജ് വിവാഹിതയായി. എറണാകുളം സ്വദേശി അഷ്വിന്‍ ഫിലിപ്പാണ് വരന്‍. രണ്ടാഴ്ച മുൻപാണ് ഇരുവരുടേയും മനസമ്മതം നടന്നത്. ഏറണാകുളത്ത് വച്ച് ഇന്ന് ഉച്ചയ്ക്ക് 2.30നായിരുന്നു വിവാഹം. ക്രിസ്ത്യന്‍ ആചാരപ്രകാരം എറണാകുളം സെന്റ് മേരീസ് ബസലിക്കയില്‍ വച്ച് ലളിതമായ ചടങ്ങുകളാണ് നടന്നത്. കൊവിഡ് മാനദണ്ഡങ്ങളെല്ലാം പാലിച്ചായിരുന്നു വിവാഹം നടത്തിയത്. വിവാഹ വേഷത്തിൽ മാസ്ക് ധരിച്ചു നിൽക്കുന്ന താരത്തിന്റെ ചിത്രങ്ങൾ ഇതിനോടകം വൈറലായിക്കഴിഞ്ഞു. എല്ലാ മുന്നൊരുക്കങ്ങളോടുകൂടിയാകും റിസപ്ഷനും നടത്തുകയെന്ന് താരത്തിന്റെ കുടുംബാംഗങ്ങൾ അറിയിച്ചു.
