ജൂൺ സിനിമയിൽ റജീഷയുടെ കൂട്ടുകാരിയുടെ വേഷം ചെയ്ത് പ്രേക്ഷക മനം കവർന്ന താരമാണ് നയന എൽസ. ക്ലാസിലെ പഞ്ചപാവം, അധികമാരോടും സംസാരമില്ല പഠനത്തിൽ മാത്രം ശ്രദ്ധയുള്ള ജൂണിലെ കുഞ്ഞി എന്ന കഥാപാത്രത്തെ അത്ര പെട്ടെന്ന് പ്രേക്ഷകരാരും മറക്കാനിടയില്ല. ജൂണിന് ശേഷം മറ്റൊരു മനോഹര വേഷവുമായി നയന വീണ്ടും എത്തുകയാണ്.
ഷംസു സായ്ബ സംവിധാനം ചെയ്ത് ദുൽഖർ നിർമ്മിക്കുന്ന മണിയറയിലെ അശോകനാണ് നയന പുതുതായി അഭിനയിക്കുന്ന ചിത്രം. ആഗസ്റ്റ് 31ന് തിരുവോണ ദിനത്തിൽ നെറ്റ്ഫ്ലിക്സിൽ ആണ് ചിത്രം റിലീസ് ചെയ്യുന്നത്. റാണി ടീച്ചർ എന്ന കഥാപാത്രമായിട്ടാണ് നയന ചിത്രത്തിലെത്തുന്നത്.