മണിരത്നത്തിന്റെ സ്വപ്ന ചിത്രം പൊന്നിയിൽ സെൽവന്റെ ചിത്രീകരണം മധ്യപ്രദേശിലെ ഗൗളിയറിൽ പുരോഗമിക്കുകയാണ്. ലൊക്കേഷനിലെ ഐശ്വര്യ റായിയുടെ ചിത്രങ്ങളാണ് ഇപ്പോൾ സാമൂഹ്യ മാധ്യമങ്ങളിൽ വൈറലായിരിക്കുന്നത്.
പിങ്ക് നിറത്തിലുള്ള സിൽക്ക് സാരി ധരിച്ച് ആഭരണങ്ങൾ അണിഞ്ഞ് രാജകീയ ലുക്കിലാണ് ഐശ്വര്യ. ചിത്രത്തിൽ നന്ദിനി, മന്ദാകിനി എന്നീ രണ്ടു വേഷങ്ങളിലാണ് ഐശ്വര്യ അഭിനയിക്കുന്നത്.കല്‍ക്കി കൃഷ്ണമൂര്‍ത്തിയുടെ അതേ പേരുള്ള തമിഴ് നോവലിനെ ആധാരമാക്കിയാണ് സിനിമ ഒരുങ്ങുന്നത്.
ലൈക പ്രൊഡക്ഷൻസ് ആണ് ചിത്രം നിര്‍മിക്കുന്നത്.വിക്രം, ജയറാം, ജയംരവി, കാർത്തി, ഐശ്വര്യ റായി, തൃഷ, ഐശ്വര്യ ലക്ഷ്മി, അമല പോൾ, കീർത്തി സുരേഷ്, റാഷി ഖന്ന, സത്യരാജ്, പാർഥിപൻ, ശരത്കുമാർ, ലാൽ, റഹ്മാൻ, റിയാസ് ഖാൻ, കിഷോർ, പ്രകാശ് രാജ്, പ്രഭു എന്നിവരാണ് പ്രധാനവേഷങ്ങളിലെത്തുക.
സംഗീതം എ.ആർ. റഹ്മാനും ഛായാഗ്രഹണം രവി വര്‍മനുമാണ്. ഇളങ്കോ കുമാരവേലാണ് തിരക്കഥ. നിർമാണം മണിരത്നവും ലൈക പ്രൊ‍ഡക്‌ഷൻസും ചേർന്നാണ്.