മലയാളികളുടെ പ്രിയതാരം ഉർവശി ഒരു കാലത്ത് തെന്നിന്ത്യയിലെ തിരക്കുള്ള നായികയായിരുന്നു. ഉർവശി പ്രധാനവേഷത്തിലെത്തിയ തമിഴിലെ എക്കാലത്തേയും ഹിറ്റ് ചിത്രങ്ങളിലൊന്നാണ് മുന്താണിമുടിച്ച്.
ചിത്രത്തിലെ നായകനും സംവിധായകനും ഭാഗ്യരാജ് ആയിരുന്നു. 1983 ഇറങ്ങിയ ചിത്രത്തിന് 37 വർഷങ്ങൾക്ക് ശേഷം റീമേക്ക് ഒരുങ്ങുന്നു. റീമേക്കിന്റെ രചന നിര്വ്വഹിക്കുന്നതും നടന് ഭാഗ്യരാജ് തന്നെയാണ്. ഐശ്വര്യ രാജേഷാണ് ചിത്രത്തിൽ നായികയായി അഭിനയിക്കുന്നത്.
ഐശ്വര്യതന്നെയാണ് ഇക്കാര്യം പുറത്തുവിട്ടത്. തമിഴ് സിനിമയുടെ ലാന്ഡ്മാര്ക്ക് ചിത്രങ്ങളിലൊന്നിന്റെ റീമേക്കില് ഭാഗമാകാന് കഴിഞ്ഞതില് സന്തോഷവും അഭിമാനവുമുണ്ടെന്നാണ് താരം ട്വിറ്ററിൽ കുറിച്ചത്. 2021 ൽ ചിത്രം എത്തുമെന്നാണ് പ്രതീക്ഷിക്കുന്നത്.