മലയാളികളുടെ പ്രയങ്കരനായ യുവനടൻ നിവിൻ പോളിക്ക് ഇന്ന് ജന്മദിനം. 36ാം പിറന്നാളാഘോഷിക്കുന്ന താരത്തിന് ആശംസകളുമായി സണ്ണി വെയ്ന്‍, മഞ്ജു വാര്യര്‍, നിമിഷ സജയന്‍ തുടങ്ങി സഹതാരങ്ങളും ആരാധകരുമടക്കം നിരവധിപ്പേർ എത്തിക്കഴിഞ്ഞു.
കൂടടത്തിൽ രസകരമായ ആശംസയുമായെത്തിയിരിക്കുകയാണ് നടൻ അജു വർഗീസ്. നിരവധി സിനിമകളിൽ തിളങ്ങിയ കൂട്ടുകെട്ടാണ് ഇവരുടേത്. ‘പിറന്നാള്‍ ആശംസകള്‍ പ്രകാശാ, ദിനേശാ, ഉമേഷേ..’ എന്നാണ് അജു വര്‍ഗീസ് നിവിനൊപ്പമുള്ള രസകരമായ ചിത്രത്തിനൊപ്പം കുറിച്ചിരിക്കുന്നത്. ഇരുവരും ഒന്നിച്ച്‌ അഭിനയിച്ച ഹിറ്റ് ചിത്രങ്ങളിലെ നിവിന്‍ പോളിയുടെ കഥാപാത്രങ്ങളുടെ പേരുകളാണിത്.
സിനിമയിൽ ഇക്കൊല്ലം പത്തുവർഷം പൂർത്തിയാക്കുന്ന എന്ന സന്തോഷം കൂടി ഇത്തവണ നിവിനുണ്ട്. 2010ല്‍ വിനീത് ശ്രീനിവാസന്‍ സംവിധാനം ചെയ്ത മലര്‍വാടി ആര്‍ട്സ് ക്ലബ്ബിലൂടെയാണ് നിവിന്‍ സിനിമയിലേക്കെത്തുന്നത്. ചുരുങ്ങിയ കാലം കൊണ്ടു തന്നെ മലയാള സിനിമയിൽ തന്റേതായ ഇടം നേടാൻ നിവിനു കഴിഞ്ഞു.