2010 മലയാലത്തിൽ ഏറ്റവും തരംഗമായ, സംസാര വിഷയമായ ഗാനമേതെന്ന് ചോദിച്ചാൽ മലയാളികൾക്ക് ഒരു ഉത്തരമെ കാണൂ, അൻവർ സിനിമയിലെ ഗോപി സുന്ദർ ഈണമിട്ട ‘കിഴക്ക് പൂക്കും’ എന്ന് തുടങ്ങുന്ന ഗാനം. ഒരു പക്ഷെ ശ്രേയ ഘോഷാൽ എന്ന ശബ്ദ മാധുര്യത്തെ മലയാളി ഇഷ്ടപ്പെട്ട് തുടങ്ങിയതും ഈ പാട്ടിലൂടെ ആയിരിക്കും.
തരംഗമായ ആ പാട്ടിലെ ഓൺ സ്ക്രീൻ പ്രണയ ജോടികൾ വീണ്ടും വരികയാണ്, അതും മറ്റൊരു മനോഹര മെലഡിയുമായി. പറഞ്ഞു വരുന്നത് പൃഥ്വിരാജിന്റെയും മംതയുടെയും കാര്യമാണ്. ജെനുസ് മൊഹമ്മദ് സംവിധാനം ചെയ്ത് പൃഥ്വിരാജ് നായകനാകുന്ന ‘9’ ലെ ആദ്യ ഗാനം ഈ ഞായറാഴ്ച പുറത്തിറങ്ങും. മണാലി, ഡെൽഹി എന്നിവിടങ്ങലിലായി ചിത്രീകരിച്ച ഗാനം മലയാളികൾക്ക് എന്നും നെഞ്ചോട് ചേർത്ത് വെക്കാൻ പറ്റുന്ന ഒരു മനോഹര പ്രണയ ഗാനം തന്നെ ആയിരിക്കുമെന്നാണ് അറിയുന്നത്.
‘അകലെ’ എന്ന് തുടങ്ങുന്ന ഈ ഗാനം ഷാൻ റഹ്മാൻ ആണ് സംഗീതം നൽകിയിരിക്കുന്നത്. ഹാരിബ് ഹുസൈനും ആനി ആമിയും ചേർന്നാലപിച്ച ഗാനത്തിന്റെ വരികൾ ഒരുക്കിയിരിക്കുന്നത് ഹരിനാരായണനും പ്രീതി നമ്യാരുമാണ്.
ലൈലാകമേ, ഈ കാറ്റ് വന്നു തുടങ്ങിയ ചാർട്ട് ബസ്റ്ററുകൾ പോയ വർഷങ്ങളിൽ മലയാളികൾക്ക് സമ്മാനിച്ച പൃഥ്വിയുടെ ഈ ഗാനത്തിനായി നമുക്ക് കാത്തിരിക്കാം.