സിനിമയുടെ പ്രോമോഷനിൽ ഒഴിച്ചു കൂടാനാവാത്ത ഒന്നാണ് പോസ്റ്ററുകൾ. സിനിമകൾ ജനിച്ച കാലം മുതലേ പോസ്റ്ററുകളും ഉണ്ടായിരുന്നു. വിവിധ പരീക്ഷണങ്ങൾ ഈ മേഖലയിൽ മാത്രം നടക്കുമ്പോൾ അവിടെ തന്റേതായ വ്യക്തി മുദ്ര പതിപ്പിച്ച ഡിസൈനർ ആവുന്നു ആനന്ദ് രാജേന്ദ്രൻ. ‘എസ്ര’ എന്ന പൃഥ്വിരാജ് ചിത്രം മുതൽ പ്രേക്ഷക ശ്രദ്ധ നേടിയ ആനന്ദ് പിന്നീട് ടിയാൻ, ലൂസിഫർ, താക്കോൽ എന്നിങ്ങനെ തന്റെ കഴിവ് മികവുറ്റ പോസ്റ്ററുകൾക്കായി മാറ്റി വച്ചു.
സോഷ്യൽ മീഡിയ വളരെ അധികം സ്വാധീനം ചെലുത്തുന്ന ഈ യുഗത്തിൽ ഒരു സിനിമ ലോകരെ അറിയിക്കുന്നത് പോലും ഒരു പോസ്റ്റർ കൊണ്ടാണ് എന്നതും ഈ കലാകാരനെ ഈ മേഖലയിൽ തന്റേതായ സ്ഥാനം ഉറപ്പിച്ചു കൊടുക്കുന്നു. ഇപ്പോഴിതാ ‘അയ്യപ്പനും കോശിയും’ എന്ന സച്ചി ചിത്രവും ലില്ലി എന്ന സിനിമയ്ക്ക് ശേഷം പ്രശോഭ് വിജയൻ ഒരുക്കുന്ന ജയസൂര്യ ചിത്രം ‘അന്വേഷണവും’ ആനന്ദിന്റെ കൈ കൊണ്ട് പിറന്ന പോസ്റ്ററുകളാണ്. സോഷ്യൽ മീഡിയയിൽ തരംഗം സൃഷ്ടിച്ച ഷാജി കൈലാസ് – പൃഥ്വിരാജ് കൂട്ടുകെട്ടിൽ ഒരുങ്ങുന്ന ‘കടുവ’യുടെ ഫസ്റ്റ് ലുക്ക് പോസ്റ്റർ ഡിസൈൻ ചെയ്തതും ആനന്ദ് തന്നെ ആണ്. ഇനിയും ഈ കലാകാരൻ ഉയരങ്ങൾ കീഴടക്കുമെന്നു തന്നെ പ്രതീക്ഷിക്കാം. വരും വർഷം പ്രേക്ഷകർ ഒന്നടങ്കം കാത്തിരിക്കുന്ന മോഹൻലാൽ – പൃഥ്വിരാജ് കൂട്ടുകെട്ടിൽ ഒരുങ്ങിന്ന ‘എമ്പുരാൻ’ പോസ്റ്റർ ഡിസൈനും ആനന്ദ് തന്നെ ആയിരിക്കും നിർവഹിക്കുക.