ആരാധകരുടെ പ്രിയ ദമ്പതികളാണ് ബോളിവുഡ് താരം അനുഷ്ക ശര്മയും ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോഹ്ലിയും. ഇരുവരും ഇപ്പോൾ ആദ്യത്തെ കൺമണിക്കായി കാത്തിരിക്കുകയാണ്. വീട്ടിലേക്ക് പുതിയ അഥിതി വരുന്ന വിവരം താരങ്ങൾ ആരാധകരുമായി പങ്കുവച്ചിരുന്നു.
ഇപ്പോഴിതാ ഗർഭകാലം ആസ്വദിക്കുന്ന ചിത്രം പങ്കുവച്ചിരിക്കുകയാണ് അനുഷ്ക. “ജീവന്റെ തുടിപ്പ് അനുഭവിക്കുന്നതിലും യഥാര്ത്ഥവും വിനീതവുമായൊരു ഒന്നും തന്നെയില്ല,” എന്ന കുറിപ്പോടെയാണ് താരം ചിത്രം പോസ്റ്റ് ചെയ്തിരിക്കുന്നത്.
ഒറ്റ ഫ്രെയിമില് എന്റെ ലോകം എന്നായിരുന്നു ചിത്രത്തിന് കോലിയുടെ കമന്റ് . ചിത്രം മാത്രമല്ല ചിത്രത്തിന് കോലി നൽകിയ കമന്റും ആരാധകർ ഏറ്റെടുത്തിരിക്കുകയാണ്.