അര്‍ജുന്‍ കപൂറും രാകുല്‍ പ്രീത് സിംഗും പ്രധാന കഥാപാത്രങ്ങൾ ആകുന്ന പുതിയ ചിത്രം സര്‍ദാര്‍ കാ ഗ്രാന്‍ഡ്‌സണ്‍ നെറ്റ്ഫ്ലിക്സില്‍ റിലീസ് ചെയ്യും. റിലീസ് തീയതി ഇനിയും പ്രഖ്യാപിച്ചിട്ടില്ല. ചിത്രത്തിലെ നായകനായ അര്‍ജുന്‍ കപൂറാണ് ഇൻസ്റ്റാഗ്രാമിലൂടെ ചിത്രം നെറ്റ്ഫ്ലിക്സില്‍ റിലീസ് ചെയ്യുമെന്ന കാര്യം പ്രഖ്യാപിച്ചത്.
ചിത്രത്തിന്റെ സംവിധാനം നിര്‍വഹിച്ചിരിക്കുന്നത് നവാഗതനായ കാഷ്‌വി നായരാണ്. ഭൂഷണ്‍ കുമാര്‍, ജോണ്‍ അബ്രഹാം, നിഖില്‍ അദ്വാനി, മധു ഭോജ്വാനി, കൃഷന്‍ കുമാര്‍, മോനിഷ അദ്വാനി എന്നിവര്‍ ചേര്‍ന്നാണ് ചിത്രത്തിൻറെ നിർമ്മാണം. നീന ഗുപ്തയും സിനിമയിൽ കേന്ദ്ര കഥാപാത്രമായി എത്തുന്നുണ്ട്.
ഇന്ത്യൻ അതിര്‍ത്തിയ്ക്ക് അപ്പുറവും ഇപ്പുറവുമുള്ള രണ്ട് പേരുടെ പ്രണയക്കഥയാണ് സിനിമയുടെ പ്രമേയം. സിനിമയുടെ തിരക്കഥ നിര്‍വഹിച്ചിരിക്കുന്നത് അനുജ ചൗഹാന്‍, അമിതോഷ് നാഗ്പാല്‍, കാഷ്‌വി നായര്‍ എന്നിവര്‍ ചേര്‍ന്നാണ്. പ്രണയത്തിൽ കുടുംബത്തിൻറെ പങ്ക് കൂടി വിഷയം ആകുന്ന സിനിമ ആണെന്നാണ് വിവരം. ചിത്രത്തിന്റെ ഷൂട്ടിംഗ് 2019 നവംബറില്‍ തന്നെ ആരംഭിച്ചിരുന്നു. എന്നാല് കൊറോണ സാഹചര്യം സിനിമയുടെ റിലീസ് നീട്ടുക ആയിരുന്നു.