വില്ലൻ എന്ന സിനിമക്ക് ശേഷം സംവിധായകൻ ബി ഉണ്ണികൃഷ്ണനും മോഹൻലാലും വീണ്ടും ഒന്നിക്കുന്നു. ഹിറ്റ് തിരക്കഥാകൃത്തായ ഉദയ്കൃഷ്ണയാണ് ഇതിന്റെ രചന നിർവഹിക്കുന്നത്. ബി ഉണ്ണികൃഷ്ണൻ തന്നെയാണ് അദ്ദേഹത്തിന്റെ ഫേസ്ബുക്ക് പോസ്റ്റ് വഴി മൂവരും ഒരുമിച്ചുള്ള ചിത്രം പങ്കുവെച്ച് സിനിമയെ കുറിച്ചുള്ള സൂചന നൽകിയിരിക്കുന്നത്. ഇതാദ്യമായാണ് ബി ഉണ്ണികൃഷ്ണൻ ഉദയ്കൃഷ്ണ കൂട്ടുകെട്ട് ഒന്നിക്കുന്നത്. പുലിമുരുകന് ശേഷം ഉദയ്കൃഷ്ണ രചന നിർവഹിക്കുന്ന മോഹൻലാൽ സിനിമയെന്ന പ്രത്യേകതയും ഈ സിനിമക്കുണ്ട്. ദൃശ്യം 2 കഴിഞ്ഞാൽ ഇതാകും അടുത്തതായി മോഹൻലാൽ ചെയ്യുക എന്നാണ് ഇപ്പോൾ ലഭിക്കുന്ന വിവരങ്ങൾ.