ബിജു മേനോൻ കേന്ദ്ര കഥാപാത്രം ആയി എത്തുന്ന പുതിയ സിനിമ പ്രഖ്യാപിച്ചു. ‘ഒരു തെക്കൻ തല്ല് കേസ്’ എന്ന് പേരിട്ടിരിക്കുന്ന ചിത്രം ഒരുക്കുന്നത് നവാഗതനായ ശ്രീജിത് ആണ്. എഴുത്തുകാരൻ ജി ആർ ഇന്ദു ഗോപന്റെ ചെറുകഥയായ അമ്മിണിപ്പിള്ള വെട്ടുക്കേസ് ആസ്പദമാക്കിയാണ് ഈ ചിത്രം ഒരുക്കുന്നത്. രാജേഷ് പിന്നാടനാണ് തിരക്കഥ ഒരുക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു.
E4 എൻറർടൈൻമെൻറ്സാണ് ചിത്രം നിർമ്മിക്കുന്നത്. ഏറെ നാളുകൾക്ക് ശേഷം പ്രിയനടി പത്മപ്രിയ പ്രധാന കഥാപാത്രമായി എത്തുന്ന സിനിമ കൂടിയാണ് ഇത്. നിമിഷ സജയൻ, റോഷൻ മാത്യൂ എന്നിവർ ആണ് മറ്റു താരങ്ങൾ. 80കളുടെ പശ്ചാത്തലത്തിൽ നടക്കുന്ന കഥയാണ് അമ്മിണിപ്പിള്ള വെട്ടുകേസ്.. അഞ്ചുതെങ്ങ് എന്ന പ്രദേശത്തെ തീരദേശ മേഖലയിലാണ് കഥ നടക്കുന്നത്. മധു നീലകണ്ഠൻ ചായാഗ്രഹണവും ജസ്റ്റിൻ വർഗീസ് സംഗീതവും നിർവഹിക്കുന്നു.