ദൃശ്യം 2വിന് പിന്നാലെ പൃഥ്വിരാജ് സുകുമാരൻ സംവിധാനം ചെയ്യുന്ന മോഹന്ലാല് നായകനാവുന്ന ബ്രോ ഡാഡിയിലും പോലീസ് ഉദ്യോഗസ്ഥനായി ആന്റണി പെരുമ്പാവൂര്. ചിത്രത്തിന്റെ ലൊക്കേഷന് ചിത്രങ്ങള് പുറത്തുവന്നതോടെയാണ് ബ്രോ ഡാഡിയില് ആന്റണി പെരുമ്പാവൂര് പോലീസുകാരനായി അഭിനയിക്കുന്ന കാര്യം പുറത്തുവന്നത്.
മോഹന്ലാലിനും പൃഥിരാജിനൊപ്പം പോലീസ് വേഷത്തിലുള്ള ആന്റണിയുടെ ചിത്രമാണ് പുറത്തുവന്നത്. നേരത്തെ മല്ലിക സുകുമാരനും മോഹന്ലാലും ഒരുമിച്ച് ഇരിക്കുന്ന ചിത്രവും പൃഥ്വിരാജ് സാമൂഹികമാധ്യമങ്ങളിൽ പങ്കുവച്ചിരുന്നു. ചിത്രത്തിന്റെ അവസാനഘട്ട ചിത്രീകരണം തെലങ്കാനയിൽ പുരോഗമിക്കുകയാണ്.
നേരത്തെ ദൃശ്യം 2വിലും പ്രണവ് മോഹന്ലാല് നായകനായി എത്തിയ ഇരുപത്തിയൊന്നാം നൂറ്റാണ്ട് എന്ന ചിത്രത്തിലും ആന്റണി പെരുമ്പാവൂര് പോലീസ് ഉദ്യോഗസ്ഥനായി എത്തിയിരുന്നു. ലാലു അലക്സ്, മീന, കല്യാണി പ്രിയദര്ശന്, ഉണ്ണി മുകുന്ദന്, കനിഹ, സൗബിന് ഷാഹിര് എന്നിവരാണ് ബ്രോ ഡാഡിയിലെ മറ്റ് അഭിനേതാക്കൾ.