പൃഥ്വിരാജിന്റെ ബ്രഹ്മാണ്ഡ സിനിമ കാളിയൻ ഒരുങ്ങുന്നു. ഏകദേശം ഒരു വർഷക്കാലത്തിന് മുന്നെ പ്രഖ്യാപനം നടന്ന നാൾ മുതൽ പ്രേക്ഷകർ ഏറെ കാത്തിരിക്കുന്ന ഒരു ചിത്രമാണ് കാളിയൻ. എസ് മഹേഷ് സംവിധാനം ചെയ്യുന്ന ചിത്രം വേണാട്ടിലെ വീരന്മാരുടെ കഥയാണ് പറയുന്നത്. തെക്കന് പാട്ടുകളില് നിന്ന് ചരിത്രം ഉള്ക്കൊണ്ട് വന്ന കഥാപാത്രമാണ് പൃഥ്വിരാജിന്റേത് എന്ന് സംവിധായകൻ മഹേഷ് മുൻപ് പറഞ്ഞിട്ടുണ്ട്.
ചിത്രത്തിന്റെ ലൊക്കേഷൻ തേടിയുള്ള യാത്രയിലാണ് അണിയറ പ്രവർത്തകർ ഇപ്പോൾ. സംവിധായകൻ എസ് മഹേഷും നിർമ്മാതാവ് രാജീവ് നായരും ഛായാഗ്രാഹകൻ സുജിത് വാസുദേവും ഈ ചരിത്ര സിനിമക്കുള്ള ലൊക്കേഷൻ തേടുകയാണ്. ശ്രീലങ്ക കാളിയന്റെ ഒരു പ്രധാന ലൊക്കേഷൻ ആയിരിക്കും. കൂടാതെ മറ്റു പല സ്ഥലങ്ങളിലും ചിത്രീകരണം നടക്കും. ഇതിന്റെ കൂടുതൽ വിവരങ്ങൾ വരും ദിവസങ്ങളിൽ അറിയാം.
ഷാജോണിന്രെ ബ്രദേഴ്സ് ഡേ ചിത്രീകരണം പൂർത്തിയാക്കിയ പൃഥ്വി ഇപ്പോൾ ലാൽ ജൂനിയർ സംവിധാനം ചെയ്യുന്ന ഡ്രൈവിംഗ് ലൈസൻസിലാണ് അഭിനയിക്കുന്നത്. ഇതിന് ശേഷം സച്ചി സംവിധാനം ചെയ്യുന്ന അയ്യപ്പനും കോശിയും ആടു ജീവിതത്തിന്റെ മൂന്നാം ഘട്ട ചിത്രീകരണം തുടങ്ങിയവയും പൃഥ്വിക്ക് പൂർത്തിയാക്കേണ്ടതുണ്ട്. ഇത് കഴിഞ്ഞതിന് ശേഷമായിരിക്കും കാളിയൻ തുടങ്ങുക എന്നാണ് വിവരങ്ങൾ.