മലയാളത്തിന്റെ മെഗാസ്റ്റാർ മമ്മൂട്ടിയ്ക്ക് ഇന്ന് പിറന്നാൾ ദിനമാണ്. ആരാധകരും സിനിമാലോകവും ചേർന്ന് ആശംസകളുടെ പെരുമഴയാണ് താരരാജാവിന്. അക്കൂട്ടത്തിൽ ദുൽഖറിന്റെ പിറന്നാളാശംസയാണ് ഇപ്പോൾ ആരാധകർ ഏറ്റെടുത്തിരിക്കുന്നത്. വാപ്പച്ചിക്ക് പിറന്നാൾ ഉമ്മയാണ് ദുൽഖർ സമ്മാനിച്ചത്. ചിത്രം സമൂഹമാധ്യമങ്ങളിൽ പങ്കുവയ്ക്കുകയും ചെയ്തു.
മമ്മൂട്ടിക്ക് സ്നേഹ ചുംബനം നല്കുന്ന ഫോട്ടോയാണ് ദുല്ഖര് ഷെയര് ചെയ്തിരിക്കുന്നത്. ” എന്റെ വാപ്പിച്ചിക്ക് ജന്മദിനാശംസകള്. എനിക്കറിയാവുന്ന ഏറ്റവും ബുദ്ധിമാനും അച്ചടക്കമുള്ളവനുമായ മനുഷ്യന്. എന്തിനും ഏതിനും എനിക്ക് സമീപിക്കാവുന്നവന്. എപ്പോഴും എന്നെ കേട്ട് എന്നെ ശാന്തമാക്കുന്നവന്. നിങ്ങളാണ് എന്റെ സമാധാനവും സെന്നും. നിങ്ങളുടെ അതുല്യമായ മാനദണ്ഡങ്ങള്ക്ക് അനുസരിച്ച് ജീവിക്കുവാന് ഞാന് എല്ലാ ദിവസവും ശ്രമിക്കുകയാണ്. അങ്ങയോടൊപ്പം ചെലവഴിക്കാനാവുന്നത് ഏറ്റവും വലിയ ഭാഗ്യമാണ്. ഞങ്ങള്ക്കെല്ലാവര്ക്കും. അങ്ങയെ മറിയത്തിനൊപ്പം കാണുന്നത് തന്നെ എനിക്കെന്ത് സന്തോഷമാണ്. സന്തോഷ ജന്മദിനം. നിങ്ങള് ചെറുപ്പമാവുന്തോറും തലമുറകളെ പ്രചോദിപ്പിക്കുന്നത് തുടരൂ, ഞങ്ങള് അങ്ങയെ അനന്തമായി സ്നേഹിക്കുന്നു” എന്ന കുറുപ്പോടെയാണ് താരം ചിത്രം പങ്കുവച്ചിരിക്കുന്നത്. ഏതായാലും ഇതിനോടകം വാപ്പച്ചിയും മോനും വൈറലായിക്കഴിഞ്ഞു.