ഫഹദ് ഫാസിൽ, സൗബിൻ എന്നിവർ മുഖ്യ വേഷത്തിലെത്തുന്ന ഇരുൾ എന്ന സിനിമയുടെ ടൈറ്റിൽ പോസ്റ്റർ പുറത്തിറക്കി. നവാഗതനായ നസീഫ് യൂസുഫ് ഇസുദ്ദീൻ സംവിധാനം ചെയ്യുന്ന ഈ സിനിമയിൽ ഫഹദിനും സൗബിനും പുറമെ ദർശന രാജേന്ദ്രനും ഒരു പ്രധാന വേഷത്തിലെത്തുന്നുണ്ട്. ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫും പ്ലാൻ ജെ സ്റ്റുഡിയോയുടെ ബാനറിൽ ജോമോൻ ടി ജോൺ, ഷമീർ മുഹമ്മദ് എന്നിവരും ചേർന്നാണ് ചിത്രത്തിന്റെ നിർമ്മാണം.
ജോമോൻ തന്നെ ഛായാഗ്രഹണവും നിർമ്മിക്കുന്ന സിനിമയുടെ സംഗീതം ഒരുക്കുന്നത് ശ്രീരാഗ് സജിയാണ്. ഈ വർഷം ഡിസംബറിൽ ആണ് സിനിമയുടെ റിലീസ്.