സിനിമാപ്രേമികള് ഏറ്റവുമധികം കാത്തിരിക്കുന്ന പ്രോജക്റ്റുകളില് ഒന്നാണ് ‘വിക്രം’. ലോകേഷ് കനകരാജ് സംവിധാനം ചെയ്യുന്ന ചിത്രത്തിലെ താരനിരയാണ് ഏറ്റവും ശ്രദ്ധിക്കപ്പെട്ടത്. കമല് ഹാസനൊപ്പം ഫഹദ് ഫാസിലും വിജയ് സേതുപതിയും സിനിമയിൽ പ്രധാന വേഷങ്ങളെ അവതരിപ്പിക്കുന്നു. സിനിമയുടെ ചിത്രീകരണം കഴിഞ്ഞ വാരം ചെന്നൈയില് ആരംഭിച്ചിരുന്നു. ഇപ്പോഴിതാ ഫഹദ് ഷൂട്ടിങ്ങിൽ ജോയിൻ ചെയ്തു എന്ന വാർത്തയാണ് പുറത്ത് വരുന്നത്. കമലിനൊപ്പമുള്ള ചിത്രം പങ്കുവച്ചുകൊണ്ട് ഫഹദ് തന്നെയാണ് സാമൂഹിക മാധ്യമത്തിലൂടെ ഇക്കാര്യം അറിയിച്ചത്. നരെയ്നും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
വിക്രമിന്റെ ഫസ്റ്റ് ലുക്ക് പോസ്റ്ററും വലിയ ശ്രദ്ധ നേടിയിരുന്നു. വിജയ് നായകനായ ‘മാസ്റ്ററി’നു ശേഷം ലോകേഷ് കനകരാജ് സംവിധാനം ചെയ്യുന്ന ചിത്രമാണിത്. ഗിരീഷ് ഗംഗാധരനാണ് ക്യാമറ കൈകാര്യം ചെയ്യുന്നത്.
കമൽ ഹാസന്റെ നിർമ്മാണ കമ്പനിയായ രാജ്കമല് ഫിലിംസ് ഇന്റര്നാഷണലിന്റെ ബാനറില് ആണ് സിനിമ നിർമ്മിക്കുന്നത്. സംഗീതം ഒരുക്കുന്നത് അനിരുദ്ധ്. ചിത്രസംയോജനം ഫിലോമിന് രാജ്. സംഘട്ടന സംവിധാനം അന്പറിവ്. നൃത്തസംവിധാനം ദിനേശ്. പിആര്ഒ ഡയമണ്ട് ബാബു. ശബ്ദ സങ്കലനം കണ്ണന് ഗണ്പത് എന്നിവർ നിർവഹിക്കും. 2022 ഓടെ തിയറ്ററുകളിൽ എത്തുമെന്നാണ് അണിയറപ്രവർത്തകർ പ്രതീക്ഷിക്കുന്നത്.
twitter retweet kaufen