അജിത്തിനെ നായകനാക്കി എച്ച്.വിനോദ് സംവിധാനം ചെയ്യുന്ന ഏറ്റവും പുതിയ ചിത്രമായ വലിമൈയുടെ ആദ്യ ലിറിക്കൽ വീഡിയോ ഗാനം പുറത്ത്. ചിത്രത്തിന്റെ ആമുഖ ഗാനമാണ് ഇത്.’നാങ്ക വേറെ മാരി’ എന്ന് തുടങ്ങുന്ന ഗാനം എഴുതിയിരിക്കുന്നത് വിഘ്നേശ് ശിവനാണ്. യുവ ശങ്കർ രാജയും അനുരാഗ് കുൽക്കർണിയും ചേർന്നാണ് ഗാനം ആലപിച്ചിരിക്കുന്നത്. യുവ ശങ്കർ രാജ തന്നെയാണ് സംഗീതം നൽകിയിരിക്കുന്നത്.
ചിത്രത്തിൽ അജിത്ത് പോലീസ് ഓഫീസർ ആയിട്ടാണ് എത്തുന്നത്. യൂട്യൂബിൽ ഏറ്റവുമധികം ആൾക്കാർ കണ്ട ഒന്നായി മോഷൻ പോസ്റ്റർ മാറി. ഈ വർഷം അവസാനം ചിത്രം റിലീസ് ചെയ്യാനാണ് പദ്ധതി. കാർത്തികേയ ഗുമ്മകൊണ്ട ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.ഹുമ ഖുറേഷി,യോഗി ബാബു, മുതിർന്ന നടി സുമിത്ര എന്നിവരും വലിമയിൽ പ്രധാന വേഷങ്ങളിൽ എത്തുന്നുണ്ട്. ബേവ്യൂ പ്രോജക്ട്സ് എൽഎൽപി ബാനറിൽ ബോണി കപൂറാണ് ചിത്രം നിർമ്മിക്കുന്നത്.
ആക്ഷന് രംഗങ്ങള്ക്ക് ഏറെ പ്രാധാന്യമുള്ള ചിത്രത്തില് ബൈക്ക് സ്റ്റണ്ട് ചിത്രീകരിക്കുന്നതിനിടെ രണ്ടുതവണ അജിത്തിന് പരുക്കേറ്റിരുന്നു. ചിത്രം പ്രീ-റിലീസ് ബിസിനസിലൂടെ 200 കോടി ക്ലബ്ബില് ഇതിനോടകം ഇടം പിടിച്ചിരുന്നു.