കൊവിഡ് കാലത്ത് മുൻകരുതൽ സ്വീകരിക്കുവാനും, ജാഗ്രത പുലർത്താനും ജനങ്ങളെ ഓർമ്മിക്കുകയാണ് സിനിമാലോകം. വിവിധ രീതിയിലാണ് താരങ്ങൾ ബോധവത്കരണം നടത്തുന്നത്. ഇപ്പോഴിതാ വ്യത്യസ്തമായ എന്നാൽ രസകരമായ ഒരു പ്രതിരോധ മാർഗം പറഞ്ഞിരിക്കുകയാണ് പ്രശസ്ത ഹാസ്യതാരം ഹരിശ്രീ അശോകൻ.
പഞ്ചാബി ഹൗസിലെ ഹിറ്റ് കഥാപാത്രമായ രമണനായാണ് താരത്തിന്റെ പുതിയ പോസ്റ്റ്. സര്ക്കാരിന്റെ ഒരു പ്രഖ്യാപനം കൊണ്ട് തന്നെ കേരളത്തിലെ പ്രശ്നങ്ങളെല്ലാം മാറുമെന്നാണ് ഹരിശ്രീ അശോകന് പറയുന്നത്. കൊറോണ വരാത്ത കുടുംബങ്ങള്ക്ക് ഒരു ലക്ഷം രൂപ നല്കുമെന്ന് പ്രഖ്യാപിക്കാനാണ് താരം കുറിച്ചത്.
സത്യത്തില് കൊറോണ വരാത്ത കുടുംബങ്ങള്ക്ക് ഒരു ലക്ഷം രൂപ വീതം നല്കുമെന്ന് പ്രഖ്യാപിച്ചാല് തീരാവുന്ന പ്രശ്നങ്ങളെ ഇന്ന് കേരളത്തിലുള്ളൂ… സാറുമാരെ.- രമണന്റെ ചിത്രത്തോടൊപ്പം ഹരിശ്രീ അശോകന് കുറിച്ചു. എന്തായാലും ആരാധകര് പോസ്റ്റ് ഏറ്റെടുത്തുകഴിഞ്ഞു.നിരവധി പേരാണ് താരത്തിന്റെ പോസ്റ്റിന് ട്രോളുകളുമായി എത്തുന്നത്.