ഹാസ്യനടൻ എന്ന ലേബലിൽ അറിയപ്പെടുമ്പോഴും അഭിനയ സാധ്യതയുള്ളകഥാപാത്രങ്ങളിലും തിളങ്ങിയ നടനാണ് ഇന്ദ്രൻസ്. അടുത്തിടെയിറങ്ങിയ പല ചിത്രങ്ങളിലും കഥാമൂല്യമുള്ള വേഷങ്ങളിലൂടെ അദ്ദേഹം ശ്രദ്ധ നേടിയിരുന്നു. ഇന്ദ്രൻസ് പ്രധാന കഥാപാത്രമായെത്തുന്ന പുതിയ ചിത്രമാണ് വേലുക്കാക്ക. സിനിമയുടെ ഫസ്റ്റ് ലുക്ക് പോസ്റ്ററും പുറത്തിറങ്ങിക്കഴിഞ്ഞു.
വൃദ്ധരായ മതാപിതാക്കളെ ഒറ്റപ്പെടുത്തുന്ന മക്കളാണ് സിനിമയുടെ പ്രമേയം. ദൈന്യത നിറഞ്ഞ ചുളിവുകൾ വീണ മുഖവുമായി നിൽക്കുന്ന ഇന്ദ്രൻസാണ് പോസ്റ്ററിൽ. സിനിമയുടെ ചിത്രീകരണം പാലക്കാട് ആരംഭിച്ചു. നവാഗതനായ അശോക് ആര്‍ കലീത്തയാണ് സംവിധായകൻ. ചിത്രത്തിന് തിരക്കഥ ഒരുക്കിയിരിക്കുന്നത്. സത്യന്‍ എം എ ആണ്. ഷാജി ജേക്കബ് ആണ് ഛായാഗ്രാഹകന്‍, ചിത്രത്തിന്‍റെ കഥ ഒരുക്കിയിരിക്കുന്നത് സംവിധായകന്‍ തന്നെയാണ്. ഉമയാണ് ചിത്രത്തിലെ നായിക.
