ക്യാപ്റ്റൻ എന്ന ചിത്രത്തിനും ശേഷം ജയസൂര്യ- പ്രജേഷ് സെൻ കൂട്ടുകെട്ടിലെത്തുന്ന ചിത്രമാണ് വെള്ളം. ചിത്രത്തിന്റെ ടീസർ പുറത്തിറങ്ങി. മോഹൻലാലാണ് ടീസർ പുറത്തിറക്കിയത്. ജയസൂര്യക്ക് ജന്മദിനമാശംസിച്ചുകൊണ്ട് വിഡിയോ ഷെയർ ചെയ്യുകയായിരുന്നു. ഏതായാലും ടീസറിന് യൂട്യൂബിൽ മികച്ച പ്രതികരണമാണ് ലഭിച്ചിരിക്കുന്നത്.
ജയസൂര്യനായകകഥാപാത്രമായെത്തുന്ന ചിത്രത്തിൽ സംയുക്താ മേനോനാണ് നായിക. സിദ്ദിഖ്, ബൈജു, സന്തോഷ് കീഴാറ്റൂര്‍, ഇടവേള ബാബു, ബാബു അന്നൂർ, നിര്‍മ്മല്‍ പാലാഴി, ശ്രീലക്ഷ്മി, സ്നേഹ പാലേരി, പ്രി യങ്ക, ജോണി ആൻറണി, ജിൻസ് ഭാസ്കർ, സിനിൽ സൈനുദ്ദീൻ തുടങ്ങിയവർ ചിത്രത്തിൽ പ്രധാന വേഷങ്ങളിലെത്തുന്നു.
ഫ്രണ്ട്ലി പ്രാഡക്ഷന്‍സിന്റെ ബാനറില്‍ ജോസ്കുട്ടി മഠത്തില്‍,യദു കൃഷ്ണ,രഞ്ജിത് മണമ്പ്രക്കാട്ട് എന്നിവർ ചേർന്നാണ് ചിത്രത്തിന്റെ നിർമാണം. പരിവുപോലെ തന്നെ തികച്ചും വ്യത്യസ്ഥമായ വേഷപ്പകർച്ചയിലൂടെയാണ് ജയസൂര്യ ചിത്രത്തിലെത്തുന്നത്. ചിത്രത്തിലെ ക്യാരക്ടർ പോസ്റ്റർ നേരത്തേ തന്നെ സോഷ്യൽമീഡിയയിൽ ചർച്ചയായിരുന്നു.