മലയാളത്തിലെ ഹിറ്റ് ചിത്രങ്ങളിലൊന്നാണ് അയ്യപ്പനും കോശിയും. തെന്നിന്ത്യൻ ഭാഷകൾ കടന്ന് ചിത്രം ഇപ്പോൾ ബോളിവുഡ് റീമേക്കിനൊരുങ്ങുകയാണ്. തെലുങ്ക്, തമിഴ് റീമേക്കുകള്ക്ക് പുറമെയാണ് ചിത്രം ഹിന്ദിയിലേക്കെത്തുന്നത്.
ജോണ് എബ്രഹാമും അഭിഷേക് ബച്ചനും എത്തുമെന്നാണ് ഇപ്പോള് പുറത്തുവരുന്ന റിപ്പോര്ട്ടുകള്. ജൂണ് മാസത്തോടെ ചിത്രത്തിന്റെ ഷൂട്ടിങ് ആരംഭിക്കുമെന്നാണ് വാര്ത്തകള്. ജോണ് ഏബ്രഹാം തന്നെയാണ് ചിത്രം നിര്മിക്കുന്നത്.
ദോസ്താന എന്ന ചിത്രത്തിലാണ് ജോണ് ഏബ്രഹാമും അഭിഷേക് ബച്ചനും അവസാനമായി ഒന്നിച്ചത്. ഇപ്പോൾ 13 വര്ഷത്തെ ഇടവേളക്ക് ശേഷമാണ് ഇരുവരും ഒന്നിക്കുന്നത്. ഇരുവരില് ആരാകും അയ്യപ്പന് നായരെന്നും കോശി കുര്യനെന്നും അറിയാനുള്ള ആകാംഷയിലാണ് ആരാധകര്.