കാളിയൻ എന്തായാലും വരുമെന്ന് നിർമ്മാതാവ്‌; ചിത്രീകരണം അടുത്ത വർഷം

2018 ഫെബ്രുവരിയിൽ ആണ് പൃഥ്വിരാജിനെ നായകനാക്കി നവാഗതനായ എസ്‌ മഹേഷ്‌ സംവിധാനം ചെയ്യുന്ന ‘കാളിയൻ’ എന്ന സിനിമയുടെ പ്രഖ്യാപനം നടന്നത്‌. ഫസ്‌റ്റ്‌ ലുക്ക്‌ ടീസർ വന്നത്‌ തൊട്ട്‌ പ്രേക്ഷകർ ഏറെ ആകാംക്ഷയോടെയാണ് ഈ സിനിമക്കായി കാത്തിരിക്കുന്നത്‌. സിനിമക്ക്‌ വേണ്ടി ഏതാനും മാസങ്ങൾക്ക്‌ മുന്നെ കാസ്റ്റിംഗ്‌ കോൾ പ്രഖ്യാപനവും അണിയറക്കാർ നടത്തിയിരുന്നു. ഇതിനിടെ ഷൂട്ട്‌ നീണ്ട്‌ പോകുകയും പൃഥ്വിരാജ്‌ ആടുജീവിതം പോലെയുള്ള മറ്റു സിനിമകളുടെ തിരക്കിൽപ്പെടുകയും ചെയ്തു. ചിത്രീകരണം നീണ്ടുപോകുന്നതോടെ സിനിമ ഒഴിവാക്കുമോ എന്നുള്ള തരത്തിലും വാർത്തകൾ പ്രചരിക്കാൻ തുടങ്ങി. ഇതിനാണ് ഇപ്പോൾ ഒരു ഔദ്യോഗിക സ്ഥിരീകരണം ലഭിച്ചിരിക്കുന്നത്‌.

സിനിമയുടെ നിർമ്മാതാവ്‌ രാജീവ്‌ ഗോവിന്ദന്റെ ഫേസ്ബുക്ക്‌ പോസ്റ്റിന് ചുവടെ ഒരു ആരാധകന്റെ ചോദ്യത്തിന് അദ്ദേഹം നൽകിയ മറുപടിയാണ് വീണ്ടും കാളിയൻ വരുമെന്ന വാർത്ത സിനിമ പ്രേമികൾക്കിടയിൽ ആകാംക്ഷ നിറക്കുന്നത്‌. കാളിയൻ ഡ്രോപ്പ്‌ ചെയ്യുമോ എന്ന ചോദ്യത്തിന് ഒരിക്കലുമില്ല എന്നാണ് നിർമാതാവ്‌ നൽകിയ മറുപടി. സിനിമയുടെ പ്രീ പ്രൊഡക്ഷൻ ജോലികളും ഓഡിഷൻ തിരഞ്ഞെടുപ്പും നടന്നുകൊണ്ടിരിക്കുകയാണെന്നും അടുത്ത വർഷം സിനിമ ചിത്രീകരണം ആരംഭിക്കുമെന്നുമാണ് ഇപ്പോൾ ലഭിക്കുന്ന വിവരം. പൃഥ്വിരാജിന് പുറമെ തെന്നിന്ത്യൻ താരം സത്യരാജും സിനിമയിൽ ഒരു പ്രധാന കഥാപാത്രമായി എത്തുന്നുണ്ട്‌.

Trending Articles

ഒരു കംപ്ലീറ്റ് മോഹൻലാൽ എന്റർടൈൻമെന്റ്; ആറാട്ട്...

മോഹൻലാൽ - ബി ഉണ്ണികൃഷ്ണൻ ടീം ഒന്നിച്ച ആറാട്ട് ഇന്ന് തിയേറ്ററിൽ എത്തി. ഏറെ നാളുകൾക്ക് ശേഷം എത്തുന്ന ഒരു പക്കാ മാസ്സ് മസാല ചിത്രം എന്ന നിലക്ക് റിലീസിന്...

മഞ്ജു വാര്യരുടെ ആയിഷക്ക് ചുവടു വെക്കാൻ...

യു എ ഇ യിൽ ചിത്രീകരണം പുരോഗമിക്കുന്ന മഞ്ജു വാരിയർ ചിത്രം 'ആയിഷ'ക്കൊപ്പം പ്രമുഖ ബോളിവുഡ് കോറിയോഗ്രാഫർ പ്രഭുദേവ ചേർന്നു. എം ജയചന്ദ്രൻ ഈണം നൽകിയ ഗാനത്തിന് ചുവടുകൾ ചിട്ടപ്പെടുത്തുന്നതിനാണ്...

സാധാരണ സിനിമയ്ക്ക് അസാധാരണ സ്വീകരണം നൽകിയ...

വിഷ്ണു മോഹൻ സംവിധാനം ചെയ്തു ഉണ്ണി മുകുന്ദൻ നായകൻ ആയി എത്തിയ മേപ്പടിയാൻ തീയേറ്ററുകളിൽ മികച്ച വിജയം സ്വന്തമാക്കിയ സന്തോഷത്തിലാണ് അണിയറക്കാർ. ഒരു കുടുംബ ചിത്രമെന്ന...