‘കാണെക്കാണെ’യുടെ ഫസ്റ്റ് ലുക്ക് പോസ്റ്റർ പുറത്തിറക്കി. ടൊവിനോ തോമസും സുരാജ് വെഞ്ഞാറമൂടും ഐശ്വര്യ ലക്ഷ്മിയും കേന്ദ്ര കഥാപാത്രങ്ങളാകുന്ന പുതിയ ചിത്രമാണ് കാണെക്കാണെ. ബോബി സഞ്ജയ് ആണ് തിരക്കഥ ഒരുക്കിയത്. മനു അശോകന്‍ സംവിധാനം നിര്‍വഹിക്കുന്നു. ഡ്രീംകാച്ചറിന്റെ ബാനറില്‍ ടി ആര്‍ ഷംസുദ്ധീനാണ് ചിത്രം നിര്‍മ്മിക്കുന്നത്.
‘ഉയരെ’ക്കു ശേഷം മനു അശോകന്‍ സംവിധാനം ചെയ്യുന്ന ചിത്രമാണിത്.സുരാജ് വെഞ്ഞാറമൂട് വ്യത്യസ്തമായ ഗെറ്റപ്പിൽ എത്തിയ പോസ്റ്ററില്‍ ടൊവിനോയും ഐശ്വര്യ ലക്ഷ്മിയും ഒപ്പമുണ്ട്. ശ്രുതി രാമചന്ദ്രന്‍,പ്രേം പ്രകാശ്, റോണി ഡേവിഡ് രാജ്, മാസ്റ്റര്‍ ആലോക് കൃഷ്ണ തുടങ്ങിയവരും ചിത്രത്തില്‍ കഥാപാത്രങ്ങൾ ആകുന്നു.
ആല്‍ബിയാണ് സിനിമയുടെ ഛായാഗ്രഹണം കൈകാര്യം ചെയ്യുന്നത്. എഡിറ്റര്‍ അഭിലാഷ് ബാലചന്ദ്രനാണ്. സൗണ്ട് ഡിസൈന്‍ വിഷ്ണു ഗോവിന്ദ്, ശ്രീ ശങ്കര്‍. കല ദിലീപ് നാഥ്. ശ്രേയ അരവിന്ദ് വസ്ത്രാലങ്കാരം നിര്‍വഹിച്ചിരിക്കുന്ന ചിത്രത്തിന്റെ മേക്കപ്പ് ജയന്‍ പൂങ്കുന്നം തുടങ്ങിയവർ അണിയറയിൽ പ്രവർത്തിക്കുന്നു.