തെന്നിന്ത്യൻ സിനിമയിലും ബോളിവുഡിലും ഒരുപോലെ കഴിവ് തെളിയിച്ച നടി കാജൽ അഗർവാൾ വിവാഹിതയാകുന്നു. ബിസിനസ്സ്മാനും മുംബൈ സ്വദേശിയുമായ ഗൗതം കിച്ച്ലു ആണ് വരൻ. ഈ മാസം 30ന് മുംബൈയിൽ വെച്ച് ബന്ധുക്കളും സുഹൃത്തുക്കളും മാത്രമുള്ള ലളിതമായ ചടങ്ങിൽ വെച്ചായിരിക്കും ഇരുവരുടെയും വിവാഹം. വിവാഹക്കാര്യം കാജൽ തന്നെ ഔദ്യോഗികമായി സോഷ്യൽ മീഡിയയിലൂടെ അറിയിച്ചിട്ടുണ്ട്.
വിവാഹ ശേഷവും തുടർന്ന് അഭിനയ രംഗത്തുണ്ടാകുമെന്ന് താരം പറയുന്നു. ഹിന്ദിയിൽ ജോൺ എബ്രഹാമിന്റെ കൂടെയുള്ള മുംബൈ സാഗ, തമിഴിൽ ശങ്കർ – കമൽ ടീമിന്റെ ബ്രഹ്മാണ്ഡ സിനിമ ഇന്ത്യൻ 2, ദുൽഖർ നായകനാകുന്ന ഹേയ് സിനാമിക, തെലുഗിൽ മൊസഗല്ലു, ചിരഞ്ജീവിയുടെ ബിഗ് ബഡ്ജറ്റ് സിനിമ ആചാര്യ തുടങ്ങിയവയാണ് കാജലിന്റേതായി വരാനിരിക്കുന്ന ചിത്രങ്ങൾ.